संखुवासभा मंशिर १४
संखुवासभाको खाँदबारी ४ मा रहेको भगिवन्त रंगशालमा आठौं पाङ्मा कप पुरुष फुटवल प्रतियोगिताको आयोजना गरिने भएको छ।
किराँतहरुको मौलिक पर्व सोकला उँधौलीको अवसरमा लोहोरुङ्ग क्लव पाङ्माको आयोजनामा आगामी मंशिर २७ गते देखि पौष १ गते सम्म प्रतियोगिता संचालन हुने आयोजक संस्था लोहोरुङ क्लवले पत्रकार सम्मेलन मार्फत जनाएको छ ।
प्रतियोगितामा जिल्ला र बाह्य जिल्लाका गरि १० वटा फुटवल क्लवको सहभागिता रहने आयोजको भनाई छ । सहभागि टिमहरुमा लोहोरुङ क्लब, एडभान्स क्लब, खाँदबारी युथ क्लव , तुम्लिङटार स्पोर्टिङ क्लब, तिनपोखरी समाज बिकास क्लव सेकाहा सामुदाईक बिकास क्लव, सभापोखरी फुटबल क्लब, मकालु फ्रेण्ड्स क्लब, सितलपाटी फुटबल क्ल्ब्ब, आदर्श युथ क्लब झापाले प्रतियोगितामा सहभागिता जनाउने बताईएको छ ।
प्रतियोगितामा प्रथम हुने टिमले नगद रु २ लाख २ हजार २ सय २२ शिल्ड, मेडल र प्रमाणपत्र प्राप्त गर्नेछन् भने प्रतियोगितामा दितिय हुने टिमले नगद रु १ लाख ११ हजार १ सय ११ र सान्त्वना स्थान प्राप्त गर्ने २ टिमलाई २५ हजार नगद प्रदान गरिने आयोजक संस्था लोहोरुङ क्लवका अध्यक्ष प्रभुराम राईले जानकारी दिए ।
तसबिरः
