असोज १६
ईरानले इजरायलमाथि गरेको मिसाइल आक्रमणको विश्वका नेताहरूले बिरोध जनाएका छन् उनिहरुले ईरान र ईजरायल दुवै पक्षलाई संयमता अपनाउन समेत आग्रह गरेका छन् ।
दमास्कसस्थित इरानी वाणिज्य दूतावासमा भएको इजरायली हवाई आक्रमणको बदलामा अप्रिलमा भएको मिसाइल र ड्रोन आक्रमणपछि इरानले इजरायलमाथि प्रत्यक्ष आक्रमण गरेको यो दोस्रो पटक हो।
मिसाइलको आक्रमण पछि संयुक्त राष्ट्रसङ्घका महासचिव एन्टोनियो गुटेरेसले ‘मध्यपूर्वमा बढ्दो द्वन्द्वप्रति चिन्ता ब्यक्त गर्दै आक्रमणको घटना निन्दनिय भएको प्रतिकृया दिएका छन् ।
गाजामा प्यालेस्टिनी हमास लडाकुसँगको युद्धसगैँ हिजबुल्लाहसँगको इजरायलको द्वन्द्वको आलोचना गर्दै गुटेरेसले पूर्ण रूपमा युद्धविरामको आवश्यकता रहेको धारणा राखेका छन् ।
यसैगरी अमेरिकी राष्ट्रपति जो बाइडेनले अमेरिकी सेनालाई इरानी आक्रमण विरुद्ध इजरायली रक्षा पक्षको रक्षाका लागि इजरायलप्रति लक्षित मिसाइलहरू नष्ट गर्नसमेत आग्रह गरेका छन्।
अमेरिकी विदेशमन्त्री एन्टोनी ब्लिन्केनले एक बक्तब्य जारी गर्दै उक्त आक्रमण ‘पूर्ण रूपमा अस्वीकार्य’ भएको बताएका छन्। इजरायलले इरानी आक्रमणको बदला लिने वाचा गरेको छ। इरानमा प्रतिक्रीयात्मक आक्रमण गर्ने इजरायली सैन्य प्रवक्ता रियर एडमिरल डेनियल हागारीले बताए।
बेरुतमा हिजबुल्लाह प्रमुख हसन नस्रल्लाह र तेहरानमा हमासका नेता इस्माइल हानियाहको हत्याको प्रतिशोधमा उक्त आक्रमण भएको हमासले प्रतिकृया दिएको छ। स्पेनका प्रधानमन्त्री पेड्रो सान्चेजले इरानी आक्रमणको निन्दा गर्दै मध्यपूर्वमा जारि ‘हिंसाको चक्र’ अन्त्य गर्न आह्वान गरेका छन्।
विदेशमन्त्री जोस म्यानुएल अल्बेरेसले म्याड्रिडले द्वन्द्व पक्षलाई संयमता साथ अघि बढी तनाव नियन्त्रण गर्न आह्वान गरेका छन्। जर्मनी विदेशमन्त्री एनालेना बारबकले इरानलाई इजरायलमाथि गरेको क्षेप्यास्त्र आक्रमणको निन्दा गर्दै हिंसा अन्त्य गर्न आग्रह गरेकि छिन् ।
त्यसैगरी फ्रान्सका राष्ट्रपति इम्मानुएल म्याक्रोनले इजरायल विरुद्ध इरानको आक्रमणको निन्दा गर्दै फ्रान्सले तेहरानको सामना गर्न मध्यपूर्वमा आफ्नो सैन्य स्रोतहरू परिचालन गरेको बताए।
बेलायती प्रधानमन्त्री कीर स्टारमरले ईजरायलमाथि इरानको आक्रमणको निन्दनिय भएको बताएका छन् ।
आफ्ना इजरायली समकक्षी बेन्जामिन नेतान्याहुसँगको कुराकानीमा स्टारमरले इजरायली नागरिकहरूको सुरक्षाका लागि बेलायत प्रतिवद्ध रहेको बताए ।
जापानका नयाँ प्रधानमन्त्री सिगेरु इसिबाले इजरायलमाथि इरानले गरेको क्षेप्यास्त्र आक्रमण अस्वीकार्य भएको धारणा राख्दै युद्धको चर्काे निन्दा गरेका छन् ।