नेकपा एमाले सङ्खुवासभाको अध्यक्षमा खड्ग बहादुर राई सर्वसम्मत निर्वाचित भएका छन् ।
सोमबारदेखि खाँदबारीमा जारी नवाैँ जिल्ला अधिवेशनको बन्दसत्रले आज राईलाई अध्यक्षमा सर्वसम्मत चयन गरेको छ । अध्यक्षमा चैनपुर नगरपालीका पुर्व मेयर तथा नेता भरत खत्रीले आफ्नाे उम्मेद्वारी फिर्ता लिए पछि राई सर्वसम्मत निर्वाचित भएका हुन ।
फागुन २१ गते बाट जिसस हलमा शुरु भएकाे अधिवेशन नेकपा एमाले पार्टी सचिव रघुवीर महासेठले उद्घाटन गरेका थिए । पार्टी सचिव रघुवीर महासेठले सकेसम्म अन्य सबै पदहरु सर्बसम्मत गर्न आग्रह गरेका छन् ।
जिल्ला कमिटी उपाध्यक्ष, सचिव, उपसचिवमा पनि सर्वसम्मतको प्रयास भैरहेको जनाईएकाे छ ।