साउन ९,
त्रिभुवन अन्तर्राष्ट्रिय विमानस्थलमा आज बिहान भएको सौर्य एअरलाइन्सको जहाज दुर्घटनामा परि १८ जनाको ज्यान गएको छ । जहाजका क्याप्टेन जहाजका क्याप्टेन मनिष शाक्यलाई उद्धार गरि अहिले केएमसी अस्पतालमा लगिएको छ । शाक्यको टाउकोमा चोट लागेको छ । दुर्घटना भएको जहाजमा सौर्य एअरलाइन्सकै प्राविधिक र इन्जिनियरहरू रहेका प्रहरीले जनाएको छ । नेपाल प्रहरीका प्रवक्ता दानबहादुर कार्कीका अनुसार जहाजमा १७ जना प्राविधिक र इन्जिनियर तथा दुई जना चालक दलका सदस्य थिए ।
दुर्घटनास्थलबाट १८ जनाको शव निकालिएको नेपाली सेनाले जानकारी दिएको छ । नेपाल प्रहरीले भने १५ जनाको ज्यान गएको र चार जनाको उद्धार गरिएको जनाएको छ ।
जहाज आज बिहान ११ बजेतिर पोखरा उड्ने क्रममा सौर्य एअरलाइन्सको जहाज धावनमार्ग छाडिसकेपछि भुइँमा बजारिएको थियो । इन्जिन परीक्षणका लागि प्राविधिक र इन्जिनियर सहित जहाज पोखरातर्फ उड्न लागेको पारंभिक जानकारी प्राप्त भएको छ ।