बर्दियाको गुलरिया नगरपालिका ४ तुलापुरमा भएको आगलागीमा दुई परिवारका चार जनाको मृत्यु भएको बर्दिया प्रहरीले जनाएको छ । जाडोबाट बच्न तसलामा बालेको आगो सल्किँदा आगलागीमा परि चार जनाको ज्यान गएको प्रहरीको भनाई छ ।
ज्यान गुमाउनेमा भरत चन्दका दुई छोरा १८ महिनाका कार्तिक चन्द, सात वर्षीय कृष चन्द र भरतकी दिदी ३६ वर्षीया राधा बुढा र राधाकी छोरी मानषी बुढा रहेका छन् ।
आगलागीबाट भरतकी श्रीमती करिश्मा चन्द गम्भीर घाइते हुनुभएको वडा नम्बर ४ का अध्यक्ष सुरेश गौतमले बताउनुभयो ।
घटनाको विषयमा थप अनुसन्धान भइरहेको जिल्ला प्रहरी कार्यालय बर्दियाका डीएसपी तुल्सीराम अर्यालको भनाई छ ।