कार्तिक २३
रुपन्देहीमा तस्कारद्वारा प्रहरी र राजश्व टोलिमाथी ढुंगामुढा प्रहार गरिएको छ । तस्करी नियन्त्रणका लागि खटिएको सशस्त्र प्रहरी र राजश्व अनुसन्धान कार्यालयको टोलीमाथि तस्करहरूले रुपन्देहीको लुम्बिनी सांस्कृतिक नगरपालिकामा ढुंगामुढा गरेको प्रहरी कार्यालय रुपन्देहीले जनाएको छ ।
अवैध रुपमा चिनी भण्डारण गरिएको गोप्य सूचनाका आधारमा लुम्बिनी सांस्कृतिक नगरपालिका–२ मुझानामा संयुक्त टोलिमाथी तस्करहरुले आक्रमण गरेको प्रहरीको भनाई छ।
सो क्रममा संयुक्त टोलीले तस्करहरुलाई तित्तरबितर पारेर ११२ बोरा चिनी बरामद गरेकोमा बरामद गरिएको चिनी राजश्व अनुसन्धान कार्यालय बुटवल लैजाने क्रममा स्थानीयलाई प्रयोग गरि तस्करले अवरोध गरोको जनाईएको छ । तस्करहरूले बाटो अवरुद्ध गरी ढुंगामुढा समेत प्रहार गरेको प्रहरीको भनाई छ । उक्त घटनामा दुई जना सशस्त्र प्रहरी घाइते भएका छन् भने प्रहरीको गाडीमा समेत नराम्ररी क्षति पुगेको जनाईएको छ।