कार्तिक २३
दैलेखबाट सुर्खेतका लागि छुटेको बस दुर्घटना हुँदा चार जनाको मृत्यु सुर्खेत–दैलेख सिमास्थित वीरेन्द्रनगर–१४, को रातानाङ्ग्ला भन्ने स्थान नजिकै भएको फोर्स गाडी दुर्घटनामा परी चार जनाको मृत्यु भएको प्रहरीले जनाएको छ । उनिहरु मध्ये कसैको पनि पहिचान र सनाखत भैसकेको छैन ।
शुक्रबार दिउँसो दैलेख बजारबाट सुर्खेततर्फ आउँदै गरेको कर्णाली प्रदेश ०२००१ ख ०९९८ नम्बरको गाडी चालकले नियन्त्रण गुमाउँदा दुर्घटना भएको जिल्ला प्रहरी कार्यालय सुर्खेतका प्रमुख एसपी रूपेश खड्काले बताए । दुर्घटनालगत्तै घटनास्थल पुगेका खड्कासहितको टोलीले घाईतेहरुलाई उद्दार गरि थप उपचारका लागि अस्पताल लगेको छ उनिहरु मध्ये केहीको अवस्था गम्भीर रहेको एसपी खड्काले जानकारी दिए । उक्त दुर्घटनामा परी २५ जना घाईते भएको गुराँस गाउँपालिकाका उपाध्यक्ष शिवा खड्काको भनाई छ ।
घाइते २५ जनाको उद्दार गरी गुराँस गाउँपालिकाको एम्बुलेन्सबाट थप उपचारका लागि कर्णाली प्रदेश अस्पताल सुर्खेत पठाइएको छ।
२९ जना यात्रु रहेको गाडी अनियन्त्रीत भै सडकबाट करिव दुई सय मिटर तल पुगेको प्रत्यक्षदर्शीले बताए ।
