ताप्लेजुङस्थित प्रसिद्ध तीर्थस्थल पाथीभरा मन्दिरमा भक्तजनकाे घुईचाे लागेकाे छ ।
मंगलबार एकै दिन दुई हजार पाँच सय ५५ भक्तजनले पाथिभरा माताकाे दर्शन गरेकाे पाथीभरा क्षेत्र विकास समितिका कार्यकारी निर्देशक मनमणि काफ्लेले बताए ।
भक्तजनको आगमन बढेकाले पाथीभरा क्षेत्रमा सुरक्षा, सहज यातायात, खाने बस्ने लगायतका बिषयमा स्थानीय व्यवसायीलगायत सम्बन्धित पक्षसँग छलफल गरी आवश्यक प्रबन्ध मिलाईएकाे ताप्लेजुङका प्रमुख जिल्ला अधिकारी गोमादेवी चेम्जोङले बताइन् ।
तीर्थयात्रीको संख्या उल्लेख्य रुपले बढ्दै गएपछि सहजरुपमा पूजापाठका लागि जनशक्ति खटाएर आवश्यक प्रबन्ध मिलाइएको पाथीभरा क्षेत्र विकास समितिका कार्यकारी निर्देशक मनमणि काफ्लेकाे भनाई छ ।