असार २३,
केहि दिन देखि परेको वर्षादका कारण बढिरहेको बाढी, पहिरो र डुबानका घटनाबाट देशका बिभिन्न क्षेत्रमा
११ जनाको मृत्यु भएको छ भने ८ जना बेपत्ता भएका छन् ।
हिजो र गएरातिको बाढि पहिरो र डुबानमा परि ११ जनाले ज्यान गुमाएको प्रहरी प्रधान कार्यालयले पुष्टी गरेको छ । बिपदका घटनामा परि ८ जना बेपत्ता अवस्थामा रहेको प्रहरीको भनाई छ । ज्यान गुमाउने ११ जनामध्ये स्याङजा, पर्वत र तनहुँका गरी आठ जना रहेका छन् ।
नेपाल प्रहरीका प्रवक्ता प्रहरी नायब महानिरीक्षक दानबहादुर कार्कीका अनुसार ज्यान गुमाउनेमा स्याङ्जामा तीन, जना, पर्वत र काभ्रेमा दुई रदुर्ई जना, पाल्पा, तनहुँ, उदयपुर र काठमाण्डौका एक एक जना रहेका छन् । त्यस्तै तनहुँमा तीन, दाङमा दुई, दोलखा, नवलपरासी र स्याङजामा एक एक जना बेपत्ता भएको प्रहरी प्रधान कार्यालयले जनाएको छ ।