संखुवासभा जिल्लाको खाँदबारी नगरपालिका–५ माल्टामा अन्तरपालिका स्तरीय महिला भलिवल प्रतियोगिता हुने भएको छ ।
आइतबार खाँदबारीमा पत्रकार सम्मेलनको आयोजना गरि प्रतियोगिताको बारेमा जानकारी दिइएको हो । बाला चतुर्दशी ९अधेरी बजार०को पावन अवसरमा खाँदबारी नगरपालिका ५ नम्बर वडा खेलकुद विकास समितिले प्रतियोगिताको आयोजना गरेको हो । यहि मंसिर १२ देखि १४ गतेसम्म भलिवल प्रतियोगिता माल्टामा आयोजना हुन लागेको सम्पूर्ण तयारीमा जुटीसकेको खाँदबारी–५ का वडाध्यक्ष टंकबहादुर घिमिरेले जानकारी दिए ।
जिल्ला भलिवल संघको समन्वयमा आयोजना हुने प्रतियोगितामा संखुवासभा, भोजपुर र सुनसरीका ११ टिमको सहभागीता रहने जनाइएको छ । प्रतियोगितामा संखुवासभामा जन्म भई हाल काठमाडौमा भलिवल खेलमा नाम कहलिएका भलिवल प्रशिक्षक कुमार राई, राष्ट्रिय खेलाडी सुमित्रा रेग्मी र जेनिशा विश्वकर्मा लगायतका खेलाडी आउने आयोजकले जनाएको छ ।
प्रतियोगिताका विजेताले नगद १ लाख, शिल्ड, मेडल र प्रमाणपत्र प्राप्त गर्नेछ भने उपविजेताले नगद ७५ हजार, शिल्ड, मेडल र प्रमाणपत्र प्राप्त गर्नेछ । त्यसैगरि तृतीयले नगद ३५ हजार, शिल्ड, मेडल र प्रमाणपत्र प्राप्त गर्नेछ भने सान्त्वनाले नगद २५ हजार, शिल्ड, मेडल र प्रमाणपत्र प्राप्त गर्ने जनाइएको छ ।
श्रोतःसंखुवासभा एक्सप्रेस
