मुख्यमन्त्री राष्ट्रिय भलिबल प्रतियोगिताको उपाधि एपिएफले चुम्यो - साझाकुरा
सोमवार, असार ३२, २०८१

मुख्यमन्त्री राष्ट्रिय भलिबल प्रतियोगिताको उपाधि एपिएफले चुम्यो


editor@sajhakura March 2, 2024

जिल्लामा आयोजित मुख्यमन्त्री कप राष्ट्रिय पुरुष भलिबल प्रतियोगिताको उपाधि एपिएफले जितेको छ। शनिबार भएको फाइनल खेलमा एपिएफले गण्डकी प्रदेशलाई ३–१ को अन्तरमा हराएको हो।

पहिलो सेट गण्डकीले २५–२० अंक प्राप्त गर्दै जित हासिल गरे पनि त्यसपछि लगातार २५–२३, २५–२१ र २५–२१ अंक प्राप्त गर्दै तीनै सेट जित्दै एपिएफले उपाधि चुमेको हो।

प्रतियोगितामा नेपाल आर्मी क्लबलाई ३–० को सोझो सेटमा हराउँदै पुलिस क्लबले तेस्रो स्थान हासिल गरेको छ। पुलिससँग २५–२३, २५–१७, २५–१७ ले पराजित आर्मीले चौथो स्थानमा चित्त बुझाएको छ।

फाइनल खेलमा म्यान अफ द म्याच एपिएफका विजय थापा घोषित भए। थापालाई आयोजकको तर्फबाट नगद ५ हजार रुपैयाँले पुरस्कृत गरिएको छ। 

प्रतियोगितामा एपीएफका विजय थापा सर्वोकृष्ट खेलाडी घोषत भए । थापाले नगद २५ हजार रुपैयाँ पुरस्कार प्राप्त गरे । एपीएफका विनोद चन्द बेष्ट डिफेन्डर, लोकेन्द्र गिरी बेष्ट सेटर घोषत भए ।

गण्डकी प्रदेशका रवि केसी वेष्ट स्पाईकर, विश्वास अधिकारी वेष्ट सर्वर, सरोज बर्देवा उत्कृष्ट व्लकर र उत्कृष्ट कोच एपीएफका पुष्पजंग मल्ल घोषत भएका भएका हुन् । उनीहरुले नगद १०र१० हजार रुपैयाँ पुरस्कार प्राप्त गरेका छन् ।

सदरमुकाम खाँदबारी–७ स्थित खाँदबारी रंगशालामा मंगलबारदेखि सुरु भएको प्रतियोगिता शनिबार समापन भएको छ। विजेताहरूलाई कोशी प्रदेशका सामाजिक विकास मन्त्री राजेन्द्र कार्कीले पुरस्कार हस्तान्तरण गरे।

प्रतियोगितामा बागमती र मधेश प्रदेशबाहेक पाँच प्रदेश र तीन विभागीय टिम आर्मी, पुलिस र सशस्त्र गरी ८ टिमको सहभागिता रहेको थियो।

प्रतियोगिताको विजेता र उपविजेताले क्रमशस् तीन लाख र एक लाख ५० हजार रुपैयाँ प्राप्त गर्दा तृतीयले ५० हजार र चौथो टिमले ३० हजार रुपैयाँ पाएका छन्।

श्राेत: संखुवासभा एक्सप्रेस

Leave a Reply

Your email address will not be published. Required fields are marked *