मोरक्को बिनाशकारि भूकम्पमा ज्यान गुमाउनेको सङ्ख्या २ हजार ६ सय ८१ पुग्यो - साझाकुरा
सोमवार, असार ३२, २०८१

मोरक्को बिनाशकारि भूकम्पमा ज्यान गुमाउनेको सङ्ख्या २ हजार ६ सय ८१ पुग्यो


admin September 12, 2023

मोरक्कोमा शुक्रवार राति गएको भूकम्पका कारण ज्यान गुमाउनेको सङ्ख्या दुई हजार ६ सय ८१ जना पुगेको छ ।
दुर्गम पहाडी क्षेत्रमा पुगेको उद्धार टोलीले भग्नावशेषबाट शव निकाल्ने क्रम शुरु भएसँगै ज्यान गुमाउनेहरुको सङ्ख्या बढिरहेको बीबीसीले जनाएको छ ।


भूकम्प प्रभावित पहाडी क्षेत्र पुग्ने सडकमा ठूला ढुङ्गाको अवरोधका कारण उद्धारमा ठूला उपकरणको प्रयोग गर्न नमिलेको र उद्धारकर्ताले सामान्य औजार प्रयोग गरेर भग्नावशेषमा फसेकाहरूको उद्धार गरिरहेका बीबीसीले जनाएको छ । दुई हजार पाँच सय जनाभन्दा धेरै घाइतेहरुको अस्पतालमा उपचार भइरहेको मोरक्कोको आन्तरिक मन्त्रालयले जनाएको छ ।
मोरक्कोको हाइ एट्लस माउन्टेनलाई केन्द्रबिन्दु बनाएर शुक्रवार राति ६ दशमलव ८ रेक्टर स्केलको भूकम्प गएको हो । धेरै व्यक्ति भूकम्पले बनाएको खण्डहरूमा बसिरहेका र राहत पर्खिरहेका बीबीसीले जनाएको छ ।
मोरक्कोले अहिलेसम्म बेलायत, स्पेन, कतार र यूएईको सहयोग मात्र स्वीकारेको छ । मोरक्कोका आन्तरिक मामिला मन्त्रालयका अनुसार भूकम्पको धक्काबाट थुप्रै भवन तथा भौतिक संरचना भत्किएका छन् । कतिपय भत्किएका भवनमा मानिसहरू पुरिएर रहेको हुन सक्ने आकलन गरिएको छ ।
मोरक्कोमा यसअघि सन् १९६० को शक्तिशाली भूकम्पमा १२ हजारको ज्यान गएको थियो ।
श्रोत उज्यालो

Leave a Reply

Your email address will not be published. Required fields are marked *