संखुवासभा मंशिर ८
संखुवासभाको मकालु ५ नुममा रहेको शिंहेश्वरी माध्यमिक बिद्यालयले शैक्षिक गुणस्तर सुधार तथा अक्षयकोष स्थापनार्थ श्रीमद भागवत सप्ताह ज्ञान महायज्ञ तथा धार्मिक महोत्सव आयोजना गर्नेभएको छ ।
मंशिर २१ देखि २७ गते सम्म संचालन हुने श्रीमद भागवत सप्ताह ज्ञान महायज्ञ तथा धार्मिक महोत्सवको पंडित श्री रमेश कोईराला प्रमुख बाचक रहेको बिद्यालयले जनाएको छ । यसैगरि कथाबाचनका लागि पण्डीत बाशुदेव खनाल रहनुभएको जनाईएको छ ।
श्रीमद भागवत सप्ताह ज्ञान महायज्ञ तथा धार्मिक महेत्सवको प्रत्येक दिन बिहान १० बजे देखि साँझ ४ बजे सम्म बिभिन्न धार्मिक कथा वाचन, प्रवचन, धार्मिक झाँकि प्रदर्शन लगायतका कार्यक्रम रहेको आयोजक शिंहेश्वरी माध्यमिक बिद्यालयले जनाएको छ ।
बिद्यालयले शैक्षिक गुणस्तर सुधारका लागि ५ सय देखि ३५ लाख सम्म सहयोग गर्ने दाताहरुलाई बिभिन्न सम्मानको कार्यक्रमहरु राखिएको बिद्यालयका प्रधानअध्यापक पुर्ण बहादुर तामाङ्गले जानकारी दिए ।
