संखुवासभाको सभापोखरी गाउँपालिकामा तरुण दलले आयोजना गरेको अन्तरपालिकास्तरीय भलिबल प्रतियोगिताको उपाधि झापाको दमकले जितेकाे छ ।
सभापाेखरीकाे बाह्रबिसेमा भएकाे फाइनल खेलमा आयोजक सभापोखरीलाई ३–१ सेटले हराउँदै दमकले उपाधि हात पारेकाे थियाे।
प्रतियोगितामा भोजपुरको षडानन्द नगरपालिकाले तृतिय स्थान हाँसिल गरेकाे छ। बेस्ट प्लेयर रोमन बस्नेत (दमक), बेस्ट स्पाइकर रोशन विक (सभापोखरी), बेस्ट ब्लकर पुकार तामाङ (दमक), बेस्ट सटर राजन लिम्बू (दमक), बेस्ट सर्भर प्रदीप कट्टेल (सभापोखरी) र बेस्ट लिब्रो भुवन केसी (दमक) घोषित भए।
त्यसैगरी, खुला वडास्तरीय महिला भलिबल प्रतियोगितामा भोजपुरको आमचोक गाउँपालिका वडा नम्बर ९ प्रथम भएको छ। २–० को सोझो सेटमा पाँचखपन नगरपालिका वडा नम्बर ८ लाई हराउँदै आमचोक– ९ ले उपाधि चुमेकाे हो।
पुरुषतर्फका विजेतालाई नगद रु दुई लाख, उपविजेताले एक लाख र तेस्रोले नगद ५० हजार प्राप्त महिलातर्फका पहिलो, दोस्रो र तृतिय हुने टिमले क्रमशः ५५ हजार ५५५, ३३ हजार ३३३ र २२ हजार २२२ रुपैयाँ प्राप्त गरेका थिए ।