असाेज १०
यात्रुबाहक बस सप्तकोशी नदीमा खसेको छ। केही बेरअघि कोशी ब्यारेजको पुलबाट बस खसेको सुनसरीका प्रमुख जिल्ला अधिकारी रामचन्द्र तिवारीले जानकारी दिए।
उनका अनुसार अहिले साँझ करिब ६ बजे यात्रुसहित बस सप्तकोशी नदीमा खसेको जानकारी आएको छ। ‘बस खस्यो भन्ने जानकारी आएको छ। हामी घटनास्थलतर्फ जाँदै छौं। थप केही खुलेको छैन,’ तिवारीले भने।
कोशी ब्यारेजको पुलमा गुडिरहेको बस आफैं अनियन्त्रित भएर पुलको बार भत्काउँदै नदीमा खसेको प्रहरीले जनाएको छ। घटनामा ठूलो क्षति भएको हुनसक्ने आशंका छ। घटनाको थप विवरण प्राप्त हुन सकेको छैन। श्राेत: अन्नपुर्ण पाेष्ट