सिन्धुपाल्चोकको सुनकोशी गाउँपालिका–७ मा पर्ने पाँचकिलोमा गएराति जीप दुर्घटना हुँदा दुई जनाको ज्यान गएको छ भने जीपमा रहेका चार जना घाइते भएका छन् ।
गएराति दोलखाबाट सिन्धुपाल्चोकको खाडीचौरका लागि छुटेको बा १५ च ९३७० नम्बरको जीप लामोसाँघु जिरीखण्डको पाँचकिलोमा दुर्घटना हुँदा दुई जना पुरुषको ज्यान गएको जिल्ला प्रहरी कार्यालय सिन्धुपाल्चोकका इन्सपेक्टर सञ्जीवकुमार यादवले जानकारी दिए ।
मृतक दुई मध्ये एक जना उत्तम महर्जनको पहिचान खुलेको छ भने अर्का एक जनाको परिचय नखुलेको प्रहरिको भनाई छ । घाइते चार जनालाई थप उपचारका लागि काभ्रेको धुलीखेल अस्पताल रिफर गरिएको प्रहरीको भनाई छ ।
