हमासको आक्रमणमा ज्यान गुमाउने एक नेपालीको शव ल्याईयो - साझाकुरा
शनिबार, असार ३०, २०८१

हमासको आक्रमणमा ज्यान गुमाउने एक नेपालीको शव ल्याईयो


admin October 26, 2023

हमासको आक्रमणमा परि इजरायलमा ज्यान गुमाएका १० जना नेपाली मध्ये थप एक जनाको शव आज नेपाल ल्याईएको छ ।
बझाङ जिल्लाको जयपृथ्वी नगरपालिका–६ ठेगाना रहेका गणेशकुमार नेपालीको शव आज बिहान फ्लाइ दुबईको विमानमार्फत् नेपाल ल्याईपुर्याईएको परराष्ट्र मन्त्रालयका सहसचिव शरदराज आरणले बताए ।
१० जना विद्यार्थीमध्ये अहिलेसम्म पाँच जनाको शव नेपाल ल्याइएको र बाँकी पाँच जनाको शव ल्याउन मृतकको नातेदारको डीएनए सङ्कलन गरी परिक्षणको क्रममा रहेकोले चाँडैनै बाँकि शव पनि नेपाल ल्याईने तैयारीमा रहेको आरणको भनाई छ । यसअघि दार्चुला मालिकार्जुन–४ का लोकेन्द्रसिंह धामी, दार्चुलाकै लेकम–५ का दीपेशराज विष्ट, कैलाली घोडाघोडी–४ का नारायणप्रसाद न्यौपाने तथा कैलालीकै बौनियाँ–३ का आशिष चौधरीको शर्व आफन्तले बुझि सदगद गरिसकेका छन् ।
गत असोज २० गते ईजरायलको गाँजा क्षेत्रमा हमास लडाकुको आक्रमणमा परि १० जना नेपाली विद्यार्थीले ज्यान गुमाएका थिए ।

Leave a Reply

Your email address will not be published. Required fields are marked *