हमास बिरुद्धको युद्ध नरोक्ने इजरायलको अडान

ईजरायलले हमास बिरुद्ध शुरु गरेको आक्रमण रोक्न अश्विकार गरेको छ । संयुक्त राष्ट्रसङ्घले युद्धविराम सम्बन्धी प्रस्ताव अनुमोदन गर्नुकासाथै विश्वका धेरै देशहरुले युद्धविरामको आह्वान गरेपनि ईजरायलले उक्त युद्धबिरामको प्रस्ताव अश्विकार गरेको अन्तराष्ट्रिय संचार माध्यमहरुले जनाएका छन् ।
प्रधानमन्त्री नेतान्याहुले हमास विरुद्ध दोस्रो चरणको युद्ध शुरु भएको घोषणा लगत्तै इजरायली सेना स्थलमार्गबाट गाजाको मध्य क्षेत्रमा पुगेको जनाईएको छ । इजरायलको आक्रमणबाट गाजामा अहिलेसम्म करिव १० हजारको मृत्यु भएको बताईएको छ ।
गाजामा ज्यान गुमाउनेमध्ये करिव ४ हजार बालबालिका रहेका छन् । इजरायतर्फ पनि एक हजार चार सय बढिको मानवीय क्षति भएको बताईन्छ । ईजरायलको आक्रमणको निशानामा स्वास्थ्यसंस्थाहरु समेत परेको भन्दै बिश्व स्वास्थ्य संगठनले बिरोध जनाएको छ । अहिले गाँजा क्षेत्रमा ईजरायलको सर्च एण्ड डिस्ट्रोए अभियान जारी रहेको संचारमाध्यमहरुले उल्लेख गरेका छन् ।