अपराध

९ चैत, जनकपुरधाम विष्णु महायज्ञ संचालनका लागि गत फागुन १० गते औरही गाउँपालिका ५ स्थित रहेको दीपक मरिकको घरमा डोगर प्रयोग गरि भत्काएको आरोपमा पालिका अध्यक्ष शिवजी यादव पक्राउ परेपछि पिडित दीपक मरिक डोमको परिवार गाउँबाटै विस्थापित भएका छन् । गाउँपालिका अध्यक्षका आफन्त र समर्थकको धम्कि थेग्न नसकेपछि गए रातिदेखि नै दीपक मरिक र उनको परिवार बिस्थापित भएको जनाईएको छ । दलित माथी अन्याय गरेको घटना सार्वजनिक भएपछि त्यसमा संलग्न गाउँपालिका अध्यक्ष शिवजी यादव र वडा नम्बर ५ का वडाध्यक्ष दिलीप यादवलाई प्रहरीले साँझ पक्राउ गरेको हो । त्यसपछि गाउँपालिका अध्यक्षको आफन्त र समर्थकले धम्कि दिएको भन्दै दीपक र अनिता आफ्ना लालाबाला च्यापेर राति नै वडा नम्बर ४ कोमलपुरमा रहेको दलित आयोगका पूर्वसदस्य कवुली पासवानको घरमा आश्रय लिन पुगेको बताईएको छ । ...

माघ २७ भोजपुरमा लागु औषध सहित ३ जना पक्राउ परेका छन् । पक्राउ पर्नेहरुमा टेम्केमैयुङ गाउँपालिका–२ छिनामखुका कन्चन बस्नेत, भोजपुर नगरपालिका–९ ठेगाना रहेका अनिल राई र रमेश राई लागु औषध र नगद सहित पक्राउ परेको जिल्ला प्रहरी कार्यालय भोजपुरका प्रहरी निरीक्षक अरविन्द्र शाहले जानकारी दिए । केहि ब्यक्तिहरुले लागु पदार्थ सेवन गरिरहेको भन्ने गोप्य सूचनाका आधारमा प्रहरीले निगरानि बढाउँदा टेम्केमैयुङ गाउँपालिका २ का कन्चन बस्नेतको साथबाट १० चक्की ट्रमाडोल र १० चक्की स्पास्पेन चक्की बरामद गरिएको र शोधपुछका क्रममा उनले अनील राई र रमेश राईबाट किनेर ल्याएको भन्ने खुलेपछि प्रहरीले उनीहरुको घर कोठामा खानतलासी गर्दा दुई हजार ५० चक्की ट्रमाडोल, दुई हजार ७० स्पास्पेन, नगद ९७ हजार दश, एक सय वीस ग्राम गाजा र २ थान मोवाईल बरामद गरेको जिल्ला प्रहरी कार्यालय भोजपुरले जनाएको छ । प्रक्राउ परेका तीनै जनालाई जि...

माघ १९, अछाममा अघिल्लो शनिवार मृत फेला परेका दुई किसोरीको प्रेम प्रस्ताव अस्वीकार गरेका कारण हत्या भएको खुल्न आएको छ । अछामको ढकारी गाउँपालिका–१ का १४ वर्षीया इशरा खड्का र १५ वर्षीया सरस्वती खड्काको हत्या गरिएको प्रहरीले निश्कर्ष निकालेको हो । गएको शुक्रवार गोठालो गएका इशरा र सरस्वतीको हत्या आशंकामा पक्राउ परेका तिन मध्ये दुई किशोरले घटनाको स्वीकार गरेको पत्रकार सम्मेलनमार्फत अछामका प्रमुख प्रहरी नायब उपरीक्षक ईश्वरीप्रसाद भण्डारी जानकारी दिए । जिल्ला प्रहरी कार्यालय अछाम प्रहरीको केन्द्रीय अनुसन्धान ब्युरो सुदूरपश्चिम प्रदेश प्रहरी कार्यालय धनगढी र नेपाल प्रहरी प्रदेश कार्यालय महेन्द्रनगरको संयुक्त टोलीले गरेको अनुसन्धानका क्रममा दुई जना किशोरीको हत्या भएको खुलेको हो । अघिल्लो शुक्रवार बाख्रा चराउनका गएका दुई जना किशोरी घर नफर्किए पछि खोजि गर्दै जाँदा अर्को दिन शनिवार शरीरमा ढु...

माघ १९, मानव बेचबिखनमा सलंग्न रहेको आरोपमा पर्साको वीरगञ्जबाट चार जनालाई पक्राउ गरिएको छ । प्रहरी चौकी पर्साबाट खटिएको प्रहरी टोलीले वीरगञ्ज महानगरपालिका– १६ भन्सार नजिकै रहेको एक होटलबाट भारतको विहारका ३५ वर्षीय मनेजर राय, महोत्तरी भंगहा नगरपालिका–२ टिकुलियाकी ३२ वर्षीया सुक्राति चौधरी, ओखलढुंगा देयाले गाउँपालिका–५ का ३३ वर्षीय दिपेश राई र बारा जितपुर सिमरा–१४ बस्ने ३८ वर्षीया मिराकुमारी महतोलाई पक्राउ गरेको जिल्ला प्रहरी कार्यालय पर्साका प्रवक्ता सुवास भट्टले जनाए । पक्राउ परेकाहरुलाई मानव बेचबिखन तथा ओसार पसार नियन्त्रण ऐन २०६४ बमोजिमको कसूरमा जिल्ला अदालत पर्साबाट सात दिन म्याद थपको अनुमति लिइ थप अनुसन्धान प्रकृया अगाडि बढाईएको र उनिहरुको नियन्त्रणमा रहेका दुई जना महिलाको उद्धार गरेको प्रहरीको भनाई छ । ...

माघ १८ नवलपरासीमा लागूऔषध कारोबारीलाई समात्न चार राउन्ड गोली प्रहार, एक जना घाइते माघ १८, लागु औषध कारोबारीलाई पक्रन प्रहरीले पश्चिम नवलपरासीमा ४ राउण्ड गोली प्रहार गरेको छ । नवलपरासीको नगरपालिका–१२ पचगाँवा बस्ने राजेश लोनियाको घरमा लुकाई छिपाई राखिएको लागूऔषध नियन्त्रणमा लिन प्रहरीले चार राउन्ड गोली प्रहार गर्नूपरेको जिल्ला प्रहरी कार्यालय नवलपरासीका प्रहरी नायब उपरीक्षक रेशम बोहराले बताए । लोनियाले ब्यवसायिक कारोबारका लागि लागूऔषध लुकाईराखेको सूचनाका आधारमा लागूऔषध नियन्त्रणमा लिन प्रहरी नायब निरीक्षक सागर भट्टराईको नेतृत्वमा ५ जनाको टोली खटिएको थियो । प्रहरीले खानतलासी गर्दा लोनियाले प्रहरीमाथि आक्रमण गर्न खोजेको प्रहरी नायब उपरीक्षक बोहराले बताउनुभएको छ । लोनिया भाग्न खोज्दा प्रहरीले गोली चलाएको र उनको बायाँ खुट्टामा गोलीको छर्रा समेत लागेको प्रहरीले जनाएको छ । छर्राबाट ...

पाैष १० मोरङ, रङ्गेली – कटहरी गाउँपालिका–२ मा बाँसको झ्याङमा अचेत अवस्थामा फेला परेकी २३ वर्षीया महिलामाथि सामूहिक बलात्कार भएको घटनामा संलग्न रहेको आरोपमा प्रहरीले तीन जनालाई पक्राउ गरेको छ। प्रहरीका अनुसार पक्राउ परेका व्यक्तिहरूमा कटहरी–२ का १९ वर्षीय मोहम्मद रमजान, १९ वर्षीय सोनुकुमार साह, र भारतको अररिया कुशाकट्टाका १९ वर्षीय मो गुल्जार छन्। प्रारम्भिक अनुसन्धानमा तीन जनाको समूहले महिलालाई सिटी सफारीमा अपहरण गरी बाँसको झ्याङमा पुर्‍याएर बलात्कार गरेको खुलेको छ।...

पाैष ६ लागुऔषध मुद्दामा पक्राउ परेका धनगढी उपमहानगरपालिका–१ का एक जना थुनुवालाई थुनामुक्त गरिदिने भन्दै उनको परिवारबाट रकम असुलेको आरोपमा तीन जनालाई पक्राउ गरिएको प्रहरीले जनाएको छ । पक्राउ पर्नेमा गौरीगंगा नगरपालिका–७ बस्ने २९ वर्षीय रुपक साउद, २२ वर्षीय रमेश साउद र १९ वर्षीय हर्क साउद रहेको कैलालीका प्रमुख प्रहरी उपरीक्षक(एसपी) पदमबहादुर विष्टले जानकारी दिए । उनीहरुले थुनामुक्त गरिदिने भन्दै साढे ३९ हजार भारतीय रुपैयाँ बुझिसकेकाे र बाँकि रकम थुनामुक्त भएपछि लिने सहमति गरेका थिए ।...

मंशिर १९ गत मंगलबार राति प्रहरीले धरानबाट गोली हानेर दुई गाडी गाँजा नियन्त्रणमा लिएको छ ।  धनकुटाबाट धरानतर्फ गाँजा बोकेर गइरहेको गाडीलाई नियन्त्रण गर्न खोज्दा चालक भाग्न खोजेपछि प्रहरीले ४ राउन्ड गोली हानेर गाजा बरामद गरेको हो । धनकुटाबाट गाँजा आउँदैछ भन्ने गोप्य सूचना पाएपछि इलाका प्रहरी कार्यालय धरानका डिएसपी प्रकास जबेगु र वडा प्रहरी कार्यालय भानुचोकका प्रमुख रुद्र खडकाको टोली धरानको शिबधारामा गाडि पक्राउ गर्न पुगेका थिए । प्रहरीले सेतो नम्बर प्लेटको गाडीमा रहेको ६ सय केजी गाँजा नियन्त्रणमा लिएको छ । गाजा ओसारपसारमा संलग्न मध्ये १ जना पक्राउ परेका छन् भने अर्का एक फरारको खाेजि भैरहेकाे सुनसरीका प्रहरी प्रमुख एसपी सुमनकुमार तिम्सिनाले बताए ।  उनले गाजा नियन्त्रण गर्न ४ राउन्ड गोली प्रहार गर्नु परेको बताएका छन । एसपी तिम्सिनाले गाजा नियन्त्रण गरिएको विषयमा बुधबार दिउसो पत्रकार सम...

७ मंसिर बिहिबार रसुवाको कालिका गाउँपालिका–१ ग्राङबाट दुई किलो सुन बरामद गरिएको ब्यक्ति भरिया मात्र रहेको प्रहरीले जनाएको छ । गोसाइँकुण्ड गाउँपालिका–३ का ३४ वर्षीय कर्मा सोनाम लामालाई हिजो बिहीबार साँझ दुई केजी सुन सहित प्रहरीले पक्राउ गरेको थियो। थप अनुशन्धानका क्रममा उनि भरियामात्रै भएको पाईएको प्रहरी कार्यालय रसुवाका डीएसपी केशव भट्टराईले जानकारी दिए । पक्राउ परेका लामाले चिनियाँ नागरिकले पठाएको सुन नाका कटाउने जिम्मा लिएको प्रहरीको भनाई छ । बिहिबार साँझ कालिकातर्फ जाँदै गरेको बागमती प्रदेश ०२–०४३ प २४३४ नम्बरको मोटरसाइकल चेकजाँचका क्रममा लामालाई पक्राउ गरिएको थियो । उनको साथबाट प्रहरीले जुत्ताको सोलमा लुकाईएको दुई केजी सुन बरामद गरेको थियो ।...

प्रतिकात्मक तस्वीर मिटरब्याज असुलेको आरोपमा एक व्यवसायीको नाक काटियो ६ मंसिर, मिटर ब्याज असुलेको आरोपमा नेकपा बहुमतका कार्यकर्ताले दाङको घोराहीमा ब्यवसाय गर्दैआएका एक व्यवसायीको नाक काटिदिएका छन् । शनिवार बिहान घोराहीको विपी चोक स्थित संजिवनी कलेजका शिक्षकसँग ऋण असुल्न पुगेका धनबहादुर बस्नेतको नाक चक्कुले काटि दिएको प्रहरीले जनाएको छ । नाक काटिएर घाइते भएका बस्नेत राप्ती स्वास्थ्य बिज्ञान प्रतिष्ठानमा उपचार पछि डिस्चार्ज भएका छन् । बस्नेतको नाक काटिदिने नेकपा बहुमतका कार्यकर्ता फरार रहेको र हाल उनिहरुको खोजीकार्य भैरहेको दाङका प्रहरी प्रमुख अर्जुन तिमिल्सेनाले बताए । नेकपा बहुमतका कार्यकर्ताहरुले यसअघि पनि अर्का मिटरब्याजी दुर्गाप्रसाद पन्तमाथी हातपात गर्नूका साथै कालोमोसो दलिदिएको प्रहरकिो भनाई छ ।...