समाचार

असार १७ माध्यमिक शिक्षा परीक्षा (एसईई) को पुरक परीक्षा आगामी श्रावण २३ गतेदेखि हुने राष्ट्रिय परीक्षा बोर्ड, परीक्षा नियन्त्रण कार्यालयले जनाएकाे छ । शिक्षा मन्त्रालयले दुईभन्दा बढी विषयमा नन ग्रेडेडलाई समेत परीक्षामा सहभागी गराउने निर्णय गरेपछि बोर्ड बैठकले परीक्षाको मिति सार्वजनिक गरेको हो । साउन २३ गतेदेखि शुरु भई साउन ३१ गतेसम्म सञ्चालन हुने पुरक परीक्षाको नतिजा असोजको पहिलो हप्ताभित्र सार्वजनिक गर्ने बोर्डले जनाएको छ । भर्खरै सार्बजनिक गरिएकाे एसईईमा अनुत्तीर्ण भएका दुई लाख ४२ हजार तीन सय १३ जना विद्यार्थीलाई पुनःपरीक्षामा सहभागी हुने अवसर दिईएकाे परीक्षा नियन्त्रण कार्यालयले जनाएकाे छ ।...

१७ असार, मनसुन सक्रिय हुँदै गएकाले भारी वर्षाबाट संखुवासभा जिल्ला सहित ३४ जिल्ला अति प्रभावित हुने सम्भावना रहेको जल तथा मौसम विज्ञान विभागले जनाएको छ । विभागले विशेष बुलेटिन जारी गर्दै कोशी, बागमती, गण्डकी र लुम्बिनी प्रदेशका ३४ जिल्लामा रेड अलर्ट जारी गरेको हाे । सरकारले समस्याग्रस्त घोषणा गरेका २० वटा सहकारीको कागजात झिकाउने संसदीय छानबिन विशेष समितिले निर्णय गरेको छ । समस्याग्रस्त सहकारीका कागजात सहकारी व्यवस्थापन समितिका तर्फबाट प्राप्त भए पनि अरू विवरण, जानकारी र तथ्य आवश्यक पर्ने भएकाले कागजात झिकाउने निर्णय गरेको समितिले जनाएको छ । समितिको हिजोको बैठकमा २०४७ सालमा सहकारी अध्ययन गर्न गठित कार्यदलका संयोजक राधाकृष्ण मैनाली, २०६१/०६२ मा सहकारी अधययनका लागि गठित कार्यदलका संयोजक युवराज खतिवडा र २०७० सालमा समस्याग्रस्त सहकारीको सम्बन्धमा जाँचबुझ गर्न गठित आयोगका संयोजक गौरीबहाद...

१७ असार, मनसुन सक्रिय हुँदै गएकाले भारी वर्षाबाट संखुवासभा जिल्ला सहित ३४ जिल्ला अति प्रभावित हुने सम्भावना रहेको जल तथा मौसम विज्ञान विभागले जनाएको छ । विभागले विशेष बुलेटिन जारी गर्दै कोशी, बागमती, गण्डकी र लुम्बिनी प्रदेशका ३४ जिल्लामा रेड अलर्ट जारी गरेको हाे । यसैगरी २६ जिल्लामा मध्यम जोखिमको सम्भावनाको संकेत स्वरुप यलो अलर्ट जारी गरेको छ । रेड अलर्टले अति जोखिम र यलो अलर्टले मध्यम जोखिमको संकेत गर्दछन् । अति जोखिम भनेर संकेत गरिएका जिल्लाहरुमा कोशी प्रदेशका ताप्लेजुङ, पाँचथर, संखुवासभा, तेह्रथुम, मोरङ, झापा, सुनसरी, इलाम, धनकुटा, भोजपु्र, खोटाङ, सोलुखुम्बु र ओखलढुंगा छन् । यी जिल्लामा बर्षादसंगै बाढि पहिराेकाे जाेखिम रहन सक्ने भएकाले सतर्क रहन माैसम बिभागले आग्रह गरेकाे छ । यी जिल्लामा रहेका खाेलाहरुमा जलसतह बढि बाढि र डुबानकाे संभावना बढिरहेकाे बिभागकाे भनाई छ ।...

असार १६ मकालु वरुण राष्ट्रिय निकुञ्जका एक कर्मचारी मृत भेटिएका छन्। संखुवासभाको मकालु गाउँपालिका– ३ हेदाङ्नागढीमा मकालु वरुण राष्ट्रिय निकुञ्जका गेम स्काउट पदमा कार्यरत ५० वर्षीय केशर कार्की आइतबार मृत भेटिएका जिल्ला प्रहरी कार्यालयका प्रहरी नायब उपरीक्षक घनश्याम श्रेष्ठले जानकारी दिए। उनलाई निकुञ्ज कार्यालयदेखि केही पर मृत अवस्थामा फेला पारेपछि स्थानीयले प्रहरीलाई खबर गरेका थिए। उनी भिरबाट लडेको अनुमान गरिएको छ। घटनाबारे अनुसन्धान भइरहेको प्रहरीले जनाएको छ। नयाँ पत्रिकामा याे खबर छ । ...

शिक्षा, विज्ञान तथा प्रविधि मन्त्रालयले माध्यमिक शिक्षा परीक्षा (एसइई)मा अनुत्तीर्ण भएका सबै विद्यार्थीलाई मौका परीक्षामा सामेल गराउने निणर्य गरेको छ। शुक्रबार बसेको शिक्षामन्त्रीस्तरीय बैठकले दुईभन्दा बढी विषय लागेका विद्यार्थीलाई पनि पूरक परीक्षामा सामेल गराउने निणर्य गरेको हो। परीक्षा बोर्डको लेटर ग्रेडिङ निर्देशिकाअनुसार दुईभन्दा बढी विषय लागेका विद्यार्थीले मौका परीक्षा दिन पाउँदैनन्। तर, यसपटकदेखि नै नयाँ प्रणाली लागू गरेकाले एकपटक सबै विद्यार्थीलाई मौका दिन यस्तो निणर्य गरिएको मन्त्रालयका प्रवक्ता केशव दाहालले जानकारी दिए। ‘अब जति वटा विषय लागेका विद्यार्थीले पनि मौका परीक्षा दिन पाउँछन्, यसको व्यवस्था मिलाउन मातहतका निकायलाई निर्देशन दिएको छ,’ प्रवक्ता दाहालले बताए । नयाँ पत्रिकाले डिटेलमा समचार प्रकासन गरेकाे छ ।...

राष्ट्रिय परीक्षा बोर्ड, परीक्षा नियन्त्रण कार्यालयले माध्यामिक शिक्षा परीक्षा (एसईई) को नतिजा सार्वजनिक गरेको छ । आज बिहान बसेको बोर्ड बैठकको निर्णयसँगै नतिजा सार्वजनिक भएको हो । एसईइ परीक्षामा सहभागी भएका कुल विद्यार्थीमध्ये ४७.८६ प्रतिशत विद्यार्थीमात्रै उत्तीर्ण भएका छन् । १८६ जनाले ४ जीपीए ल्याएका छन् । कार्यालयले सार्वजनिक गरेको नतिजा अनुसार परीक्षामा सहभागी भएका ४ लाख ४४ हजार ७८५ जना विद्यार्थी मध्ये २ लाख ४२ हजार ९२ जना विद्यार्थीले मात्रै कक्षा ११ मा पढ्न पाउने भएका हुन् । अर्थात् परीक्षामा सहभागी भएकामध्ये ५२.१४ प्रतिशत परीक्षार्थीले ननग्रेड (एनजी) ल्याएका छन् । राष्ट्रिय परीक्षा बोर्ड, परीक्षा नियन्त्रण कार्यालय जानकारी अनुसार वेबसाइट, एसएमएस र आईभीआर बाट हेर्न सकिने जनाएको छ । नेपाल टेलिकममार्फत १६०० कोड प्रयोग गरेर एसएमएस तथा आईभीआर गरेर हेर्न सकिने, स्विफ्ट टेक्नोलोज...

घरेलु तथा साना उद्योग कार्यालय सङ्खुवासभाको आर्थिक सहयोग तथा प्रेस युनियन संखुवासभाकाे संयाेजनमा जिल्लाका संचारकर्मीलाई लक्षित गरि फोटोग्राफी तथा भिडियोग्राफी सम्बन्धी तीन दिने आधारभूत तालिम संचालन गरिएकाे छ । मंगलबार बाट शुरु भएकाे तीन दिने तालिममा ३० बढि प्रशिक्षार्थीकाे सहभागिता रहेकाे छ । संचार जगतलाई आधुनिक, प्रविधिमैत्री र समयानुकुल बनाई उनिहरुकाे क्षमता बढाउन तालिमले ठुलाे सहयाेग पुग्ने अपेक्षा आफुले राखेकाे उद्घाटन समाराेहका प्रमुख अतिथी जिल्ला समन्वय समितिका प्रमुख सुमन शाक्यले बताए । समन्वय समिति प्रमुख शाक्यले पछिल्लो समय आएका विभिन्न नयाँ टेक्नोलोजीकाे प्रयाेगले ब्यवसायिक पत्रकारिताकाे बिकासमा ठुलाे टेवा पुग्ने धारणा राखेका थिए । कार्यक्रमका विशिष्ट अतिथी खाँदबारी नगरपालिकाका प्रमुख महेश थपलियाले जनतालाई बिकास संग जाेड्न संन्चार जगतकाे भुमिका अत्यन्त महत्वपुर्ण हुनेहु...

संखुवासभाको मकालु गाउँपालिकाले हिमाल आरोही लाक्पा शेर्पालाई सम्मानित गरेको छ । मकालु हिमालको सातौ पटक सफल आरोहण गरेर कीर्तिमान कायम गरेको भन्दै शेर्पालाई गृह जिल्ला संखुवासभामा सम्मानित गरेको हो । गाउँपालिका प्रमुख ओङ्दी छिरीङ शेर्पालगायत सिंगो गाउँपालिका टिमले कीर्तिमानी शेर्पालाई जिल्लामै बोलाएर सम्मानित गरेको हो । शेर्पाले मकालु गाउँपालिकाको लोगोसमेत मकालु हिमालको चुचुरोम पु¥याएकाछन् । शेर्पा मकालु हिमाल आरोहणमा प्रख्यात मानिन्छन् । उन्ले यसपटक फिक्सिङ टिमको नेतृत्व गर्दे मकालु हिमालको चुचुरोमा पुग्न सफल भएका हुन् । विश्वको पाचौ अग्लो हिमालको चुचुरोमा पुग्नु आफैमा गौरवको कुरा हो । संखुवासभा मकालुका शेर्पाले हिमाल आरोहण मार्फत समग्र पर्यटन क्षेत्र र सिंगो राष्ट्रलाई चिनाउन गरेको योगदानको प्रशंसा गर्दे गाउँपालिकाल सम्मानित गरेको हो । श्राेत: स्टेट नेपाल डट कम...

असार ९ गायन रियालिटी शो नेपाल आइडल सिजन ५ को उपाधि बर्दियाका करण परियारले जितेका छन् । शनिबार राति नेपाल आइडलको स्टुडियोमा भएको ग्रान्ड फिनालेमा अन्य फाइनलिस्टहरु मोहित भुजेल, सलोमी गुरुङ र सचिन विश्वकर्मालाई पछि पार्दै उनी विजेता बनेका हुन् । दर्शकको भोटको आधारमा उनी विजेता चुनिएका हुन् । उपाधि जितेसँगै उनले ट्रफीसहित २५ लाख रुपैयाँ नगद र अन्य पुरस्कार प्राप्त गरेका छन् । प्रतियोगितामा पोखराकी सलोमी गुरुङ फस्ट रनरअप बनिन् । उनले ट्रफीसहित नगद १० लाख पुरस्कार प्राप्त गरिन् । यस्तै दार्जिलिङका सचिन विश्वकर्मा सेकेन्ड रनरअप बने । उनले नगद ५ लाख रुपैयाँ प्राप्त गरे । दार्जिलिङकै मोहित भुजेल थर्ड रनरअप भए । उनले स्कुटर पुरस्कार प्राप्त गरे । अनलाईन खबर...

संखुवासभा असार ८ कोशि प्रदेश स्तरीय ब्याडमिन्टन प्रतियोगिताको खुल्ला पुरुष डबल तर्फको उपाधि सुनिल कार्की र महेश खड्काको जोडीले जितेका छन् । जिल्ला ब्याडमिन्टन संघले आयोजना गरेको प्रथम कोशी प्रदेश स्तरिय ब्याडमिण्टन प्रतियोगिताको फाईनल खेलमा पविन लिङथेप र निश्चल खत्रीको जोडिलाई सोझो सेटले हराउदै ब्याडमिन्टन प्रतियोगितामा कार्की र खड्का विजयी भएका छन् । विजयी जोडिले सिल्ड मेडल र प्रमाणपत्र सहित नगद रु ६० हजार प्राप्त गरेका छन् भने उपविजेताले नगद रु ३५ हजार सिल्ड मेडल र प्रमाणप प्राप्त गरेका छन् । उक्त खेलमा प्रमिश श्रेष्ठ र प्रनिश सिंह ठकुरीको जोडि , बिसाल तामाङ र विवेक श्रेष्ठको जोडि तृतिय हुदै नगद रु १०/१० हजार साथमा सिल्ड मेडल र प्रमाणप प्राप्त गरेका छन् । संखुवासभाको खाँदबारीमा असार ६ देखि ८ गते सम्म संचालन भएको कोशी प्रदेश स्तरिय ब्याडमिण्टन प्रतियोगितामा खुला तर्फ बिभिन्न प्रदेशका ...