समाचार

चालु वर्षमा करिब दुई लाख आप्रवासी भूमध्यसागर पार गरेर युरोप पुग्न सफल भए पनि दुई हजार पाँच सय जनाले भने ज्यान गुमाए वा उनीहरू हराएका शरणार्थीसम्बन्धी संयुक्त राष्ट्रसङ्घीय  निकायलाई उद्धृत गर्दै अल जजिराले जनाएको छ । यो वर्ष एक लाख ८६ हजार मानिस भूमध्यसागर पार गरेर प्रवेश गर्दा दुई हजार पाँच सयभन्दा बढीको  मृत्यु भएको वा बेपत्ता भएका निष्कर्षमा हामी पुगेका छौँ,' न्यूयोर्कस्थित संयुक्त राष्ट्रसङ्घीय शरणार्थीसम्बन्धी उच्चायुक्त 'युएनएचसीआर' का निर्देशक रुभेन मेनिकडिवेलाले सुरक्षा परिषद्लाई जानकारी दिएका अल जजिराले खबर प्रसार गरेको छ । युरोप प्रवेश गरेकामध्ये  करिब एक लाख ३० हजार इटाली पुगेका छन् । ग्रीस, स्पेन, साइप्रस, माल्टालगायत देशमा पनि आप्रवासी पुगेको उनले जानकारी दिए।  गत वर्षको तुलनामा यस वर्ष समुद्र पार गर्ने क्रममा मृत्यु हुने वा बेपत्ता हुनेको सङ्ख्या बढेको छ । जोखिमपू...

सल्यानमा जीप दुर्घटना हुँदा २ जनाको मृत्यु भएको छ। शुक्रबार बेलुकी छत्रेश्वरी गाउँपालिकाबाट शारदा नगरपालिका १२ कागखोला तर्फ जाँदै गरेको लु १ ज १८६१ नम्बरको जीप छत्रेश्वरी-५ लेखपोखरामा दुर्घटना हुँदा २ जनाको मृत्यु भएको हो। मृत्यु हुनेमा शारदा नगरपालिका–१५ माल्नेटाकी ४५ वर्षीया मुना सेजवाल र शारदा नगरपालिका–१२ की ७६ वर्षीया धुर्बी बोहरा छन्। दुर्घटनामा परी गम्भीर घाइते भएका उनीहरूलाई उपचारका लागि अस्पताल लैँजादै गर्दा बाटोमै मृत्यु भएको जिल्ला प्रहरी कार्यालय सल्यानका प्रमुख डिएसपी नवीन कार्कीले जानकारी दिए दुर्घटनामा परी १४ जना घाइते भएका छन्। घाइतेमध्ये शारदा – १५ की ५७ बर्षीया पेमला भण्डारीलाई सुर्खेतमा थप उपचारका लागि पठाइएको डिएसपी कार्कीले जानकारी दिए। अन्य १३ जना घाइतेको जिल्लाका बिभिन्न अस्पतालहरुमा उपचार जारी रहेको प्रहरीले बताएको छ। उनीहरू मेला हेरेर फर्कँदै थिए। जीप...

हाल मनसुनको न्यून चापीय रेखा सरदर स्थानको दक्षिणतर्फ अवस्थित छ। साथै बंगालको खाडीको उत्तर पश्चिम भागमा न्यून चापीय क्षेत्र अवस्थित छ । शनिबार बिहान देशको कोशी, मधेश र बागमती प्रदेशहरुमा सामान्य बदली तथा बाँकी भू-भागमा आंशिक बदली रहेको छ । साथै कोशी प्रदेशको एक/ दुई स्थानमा हल्का वर्षा भैरहेको छ । मौसम पूर्वानुमान महाशाखाका अनुसार शनिबार दिउँसो देशभर आंशिक देखि सामान्य बदली रहनेछ। कोशी, मधेश र बागमती प्रदेशका केही स्थानहरूमा र बाँकी प्रदेशका थोरै स्थानहरूमा मेघ गर्जन र चट्याङ्ग सहित हल्का देखि मध्यम वर्षाको सम्भावना रहेको छ। यस्तै, शनिबार राती कोशी र मधेश प्रदेश लगायत देशका पहाडी भू-भागमा आंशिक देखि सामान्य बदली रही बाँकी भू-भागमा आंशिक बदली रहनेछ। कोशी र मधेश प्रदेश लगायत देशको पहाडी भू-भागका थोरै स्थानहरुमा मेघ गर्जन र चट्याङ्ग सहित हल्का देखि मध्यम वर्षाको सम्भावना रहेको छ।...

अभिनेता अनमोल केसी ठगी आरोपमा पक्राउ परेका छन् । अनुसन्धानका लागि भन्दै उनलाई भक्तपुरको साँगाबाट पक्राउ गरेको प्रहरीले जनाएको छ । चलचित्र 'रावायण' मा खेल्नका लागि केसीले १० लाख रुपैयाँ लिए पनि सम्झौता नगरेको र छायाङ्कनमा पनि नआएको भनी निर्माता चन्द्रकला कटवाल थापाले दिएको जाहेरीका आधारमा पक्राउ गरिएको काठमाण्डाै उपत्यका अपराध अनुसन्धान कार्यालयका प्रमुख एवम् प्रहरी वरिष्ठ उपरीक्षक सोमेन्द्रसिंह राठौरले बताउनुभयो । उहाँका अनुसार केसीसहित चलचित्रका अन्य कलाकारसमेतले निर्माताहरूबाट एक करोड १५ लाख रुपैयाँ लिएको पाइएको छ । उनीहरूका विषयमा पनि अनुसन्धान भइरहेको प्रहरीले बताएको छ । ...

नवलपरासी पश्चिममा करेन्ट लागेर एक जनाको ज्यान गएकाे छ । विद्युतकाे खम्बामा बलिरहेकाे बत्ती निभाउने क्रममा करेन्ट लागेर आज बिहान रामग्राम नगरपालिका–७ का जयप्रकाश यादवकाे ज्यान गएकाे हाे ।  उहाँलाई उजैनीमा रहेको खम्बाको बत्ती निभाउने क्रममा करेन्ट लागेकाे जिल्ला प्रहरी कार्यालयका सूचना अधिकारी एवं प्रहरी नायब उपरीक्षक रेशम बोहराले बताउनुभयो । करेन्ट लागेका यादवलाई उपचारका लागि पृथ्वीचन्द्र अस्पतालमा ल्याइएको थियो । उहाँकाे उपचारका क्रममा ज्यानगएकाे हाे । यादवलाई करेन्ट लागेको ठाउँमा वाइफाइ तथा अन्य तार भूइँसम्म लत्रिएको अवस्थामा भेटिएकाे स्थानीयले बताएका छन् ।  ...

राष्ट्रपति कार्यालयका सहसचिव शेरजंग कार्कीको निधन भएको छ। उनको नर्भिक अस्पतालमा उपचारका क्रममा शुक्रबार बिहान निधन भएको हो। बिहीबार बेलुकी कार्कीको स्वास्थ्यमा  सामान्य समस्या देखिएको उनका एक सहकर्मीले बताएका छन्।  उपचारका लागि कार्कीलाई बिहान नर्भिक अस्पताल लगिएको थियो। अस्पताल पुर्‍याउने वित्तिकै चिकित्सकले उनलाई  मृत घोषित गरेका थिए। उनी राष्ट्रपति कार्यालयको कानुन महाशाखामा कार्यरत थिए। उनका श्रीमती,एक छोरा र एक छोरी छन्। ...

स्याङ्जाको एक कृषि फार्ममा चितुवा पसेर आक्रमण गर्दा दुई सय कालिज मरेका छन् । स्याङ्जाको कालीगण्डकी गाउँपालिका– ५ जैपातेस्थित सित्मामा आशिष न्यौपानले संचालन गरेकोे कृषि फार्ममा चितुवा पसेर आक्रमण गरेको हो । बिहीबार बिहान दाना पानी दिन फर्ममा पुुग्दा कालिज मरेका र घाइते कालिज छट्पटाएको देखेको फर्म सञ्चालक न्यौपानेले बताएका छन् । फार्ममा करिब २ सय २० को हाराहारीमा कालिज रहेकामा करिब १ सय ९० कालीजलाई चितुवाले आक्रमण गरेर मारेको सञ्चालक न्यौपानेको भनाइ छ । रातभर चितुवा फर्मभित्रै रहेकाले बढी क्षति भएको स्थानीयले बताएका छन् । करीब चार लाख रुपैयाँ बराबरको क्षति भएको अनुमान गरिएको छ ।  ...

सभामुख देवराज घिमिरेले सूचनाको हकलाई नियन्त्रण वा दुरुपयोग गर्न नहुने बताएका छन्।  सूचनामा विश्वव्यापी पहुँचका लागि अन्तर्राष्ट्रिय दिवसका अवसरमा आज सूचनाको हकका लागि राष्ट्रिय महासंघले आयोजना गरेको प्रथम राष्ट्रिय सम्मेलन तथा महाधिवेशनको उद्घाटन गर्दै उनले सूचनाको हकको संरक्षणका लागि संविधानमा मौलिक हकका रुपमा राखिएको विषयलाई नियन्त्रण गरेर अपारदर्शीरुपमा शासन पद्धति सञ्चालनको ध्येय राखिएमा त्यो सफल नहुने बताए। उनले भने,'गोप्य राख्नुपर्नेबाहेकका सूचना राज्यका सम्बन्धित निकायबाट प्रवाह हुनुपर्छ । यसको दुरुपयोग हुनबाट पनि जोगिनुपर्छ ।' संविधानले परिकल्पना गरेको सूचनामा आधारित जनताको सहभागितामूलक पारदर्शी शासन पद्धतिबाट जनतालाई सेवासुविधा दिन आग्रह गर्दै उनले सूचनाको हकसम्बन्धी कानुनको प्रभावकारी कार्यान्वयनमा महासंघको विशेष भूमिका हुनुपर्ने राससलाई बताएका छन्। सूचनाको हक लोकतन्त...

लुक्ला क्षेत्रमा खराब मौसममा उडान गर्न नहुने नियम उल्लंघन गर्दै हेलिकप्टर उडाएपछि दुई कम्पनीका हेलिकप्टरको उडानमा नेपाल नागरिक उड्डयन प्राधिकरणले रोक लगाएको छ । प्राधिकरणका अनुसार दुई कम्पनीका ‘एएस३५० बी३ई’ मोडलका हेलिकप्टरको उडानमा बिहीबारदेखि नै प्रतिबन्ध लगाइएको हो । प्राधिकरण स्रोतका अनुसार यसरी प्रतिबन्ध लाग्ने कम्पनीमा श्री एयरलाइन्स र फिस्टेल एयरका हेलिकप्टर छन् । यी कम्पनीले भिजिबिलिटी १ सय मिटर समेत नभएको अवस्थामा समेत ‘भीएफआर’ नियम मिच्दै हेलिकप्टर उडाएपछि प्राधिकरणले अर्को निर्णय नभएसम्मका लागि हेलिकप्टर उडानमा रोक लगाउने निर्णय गरेको हो । यी कम्पनीका पनि अन्य मोडलका हेलिकप्टरको उडानमा भने रोक लगाइएको छैन ।...

मलंगवा, सर्लाहीको रामनगर गाउँपालिकामा जलाउन घाटमा पुर्‍याएको एक महिलाको शवलाई बुधबार दिउँसो प्रहरीले नियन्त्रणमा लिएको छ। रामनगर गाउँपालिका वडा नं १ खैर्वाका सुनिल साहकी २१ वर्षीया श्रीमती मनिषा साहको शवलाई जलाउन घाटमा पुर्‍याएको अवस्थामा प्रहरीले नियन्त्रणमा लिएको छ। जलाउनका लागि खोलामा लगिसकेको अवस्थामा शवलाई नियन्त्रणमा लिइएको प्रहरीले जनाएको छ। घटना संकास्पद लागेपछि शवलाई नियन्त्रणमा लिइएको जिल्ला प्रहरी कार्यालय सर्लाहीका प्रवक्ता प्रहरी नायव उपरीक्षक दिपेन्द्र पंजियारले जानकारी दिए। मनिषाको श्रीमान सुनिल साह, ससुरा रामेश्वर साह र देवर रामबाबु साहलाई नियन्त्रणमा लिएको प्रहरी उपरीक्षक नरेश राज सुबेदीले जानकारी दिए। ‘घाँटीमा निलडाम जस्तो देखिएको छ। घटनाबारे अनुसन्धान भइरहेको छ’, प्रहरी उपरीक्षक सुबेदीले भने, ‘थप कुराहरु पोष्टमार्टम रिपोर्टमा थाहा हुन्छ।’ मनिषाको शव पोष्टमार्...