संखुवासभा, मंशिर ११
लोहोरुङ क्लब पाङ्माले किराँत समुदायको उधौली तथा धान्य पूर्णिमाको अवसरमा आयोजना गर्न लागेकाे नवौं पाङ्मा कप आमन्त्रित पुरुष फुटबल प्रतियोगिता बारे पत्रकार सम्मेलन मार्फत जानकारी दिएकाे छ । खेल संयाेजक ध्यान सिं राईकाे अध्यक्षता तथा नेपाल पत्रकार महासंघका अध्यक्ष कृष्णराज शाक्यकाे प्रमुख आतिथ्यतामा भएकाे पत्रकार सम्मेलनमा क्लबले प्रतियाेगिताका सम्बन्धि जानकारी गराएकाे हाे ।
स्वास्थ्यका लागि खेलकुद, राष्ट्रका लागि खेलकुद” भन्ने नाराका साथ आयोजना गर्नलागिएकाे प्रतियाेगिता यहि मंसिर १५ देखि १९ गतेसम्म खाँदबारी ४ मा रहेकाे भगिवन्त रंगशालामा हुने क्लबको अध्यक्ष पर्शुराम राईले जानकारी दिए ।
प्रतियोगिताका विजेता टिमले रु २ लाख ५० हजार सहित ट्रफि, मेडल र प्रमाणपत्र प्राप्त गर्नेछ भने द्वितीय हुने टिमलाई रु १ लाख सहित मेडल र प्रमाणपत्र प्रदान गरिने क्लबका महासचिब छत्रमणी काफ्लेले जानकारी दिए ।
त्यसैगरी, प्रतियोगितामा सहभागी टिमहरु मध्ये दुई टिमलाई जनही रु २५ हजार का दरले सान्त्वना पुरस्कार व्यवस्था गरिएको छ भने उत्कृष्ट खेलाडीले रु ४ हजार, सर्वाधिक गोलकर्ता तथा उत्कृष्ट गोलरक्षक दुवैलाई जनही रु ५ हजार प्रदान गरिने खेल संयाेजक ध्यान सिह राईले जनाए ।
प्रतियोगिता भब्यरुपले सम्पन्न गर्न आवश्यक सबै पूर्वतयारी पूरा भइसकेको आयाेजक लाेहाेरुङ्ग क्लबका अध्यक्ष पर्शुराम राईकाे भनाई छ ।
