संखुवासभा, 
मंशिर ८
प्राकृतिक श्राेत द्वन्द रुपान्तरण केन्द्र नेपाल संखुवासभाले दिगाे शान्तिका लागि उन्नत सम्बन्ध नारा सहित प्राकृतिक श्राेत द्वन्द रुपान्तरण केन्द्र नेपाल संखुवासभाले सदरमुकाम खाँदबारीमा संस्थाले जिल्लामा गरिरहेकाे गतिबिधिका बारेमा सराेकारवाला बिच गहन छलफल तथा सुझाव संकलन कार्य सम्पन्न गरेकाे छ ।
काेशी प्रदेस संयाेजक राजेन राईकाे अध्यक्षता तथा जिल्ला समन्वय प्रमुख सुमन शाक्यकाे प्रमुख आतिथ्यतामा भएकाे कार्यक्रममा जिल्लाका पालिका उपप्रमुख तथा न्यायिक समितिका संयाेजकहरु, वडाध्यक्षहरु,प्रमुख जिल्ला अधिकारी श्रृजना थपलिया, जिल्ला बन, नापी, मालपाेत लगायत कार्यालयका प्रमुख प्रतिनिधि तथा सामाजिक संघसंस्था र पत्रकारहरुकाे उपस्थिति रहेकाे थियाे ।
जल, जमिन, जंगल लगायतका प्राकृतिक श्राेत साधनकाे सहि प्रयाेग र कानुनत उपभाेग र संरक्षणका लागि प्रकृतिक श्राेत द्वन्द रुपान्तरण केन्द्र नेपालले जिल्लामा महत्वपुर्ण भुमिका निर्वाह गरिरहेकाे केन्द्रका संयाेजक राजेन राईले जानकारी दिए ।
धर्मदेवी नगरपालिकाका उपप्रमुख तारा महतले प्रकृतिक श्राेत द्वन्द रुपान्तरण केन्द्र संखुवासभाले धर्मदेवी नगरपालिकामा प्राकृतिक श्राेत साधनमाथीकाे पहुँच अभिबृद्धि गर्न र उपभाेगकाे सन्दर्भमा देखिएकाे बिबादहरु समाधान गर्न केन्द्रले महत्वपुर्ण भुमिका निर्वाह गर्दै आएकाे बताउनु भएकाे थियाे ।
त्यसैगरि पाँचखपन नगरपालिकाका उपप्रमुख सुमुना श्रेष्ठ र चैनपुर नगरपालिकाका उपप्रमुख एलिना श्रेष्ठले प्राकृतिक श्राेत द्वन्द रुपान्तरण केन्द्र नेपालले आफ्ना पालिकाहरुमा द्वन्द निरुपणका लागि महत्वपुर्ण भुमिका खेलेकाे भन्दै कतिपय न्यायिक समितिले हेर्न नभ्याएकाे र समाधान गर्न नसकेकाे बिबादहरु समेत निर्बिबादित ढंगले समाधान भएकाे धारणा राख्नुभएकाे थियाे ।
उक्त कार्यक्रममा खाँदबारी नगरपालिकाका उपप्रमुख महेश्वरा श्रेष्ठ बज्राचार्यले अन्य पालिकामा जस्तै खाँदबारी नगरपालिका भित्र पनि प्राकृतिक श्राेत साधन सम्बन्धि केही बिबाद र अतिक्रमणका बिषयहरु रहेकाले प्राकृतिक श्राेत द्वन्द रुपान्तरण केन्द्रकाे विशेष भुमिकाकाे अपेक्षा गरिएकाे बताउनु भएकाे थियाे ।
उक्त कार्यक्रममा प्रमुख जिल्ला अधिकारी श्रृजना थपलियाले प्राकृतिक श्राेत साधन सम्बन्धि बिबाद कतिपय जटिल,प्राविधिक र कानुनी बिषय समेत भएकाले दिगाे रुपमा द्वन्द निरुपणका लागि मिलाउने क्रममा कतिपय अवस्थामा त्यसलाई कानुनी मान्यता दिन थप समन्वय गरेर अघि बढ्न सुझाव दिनुभएकाे थियाे ।
बिष्णु कार्कीले सहजिकरण गर्नुभएकाे कार्यक्रममा समापन मन्तब्य राख्नुहुँदै जिल्ला समन्वय प्रमुख सुमन शाक्यले खाँदबारी लगायत जिल्लाका अन्य पालिकाहरुमा पनि सामुदायिक बन , सार्वजनीक जग्गा जमिन लगायत अन्य प्राकृतिक श्राेत सम्बन्धमा बिबादहरु रहेकाले त्यसकाे सहि समाधानका लागि स्थानीय पालिकाहरुसंग थप समन्वय गरि अघि बढ्नुपर्ने सुझाव दिनुभएकाे थियाे ।
