संखुवासभा मंशिर १२
नेकपा एमाले संखुवासभाको महाधिवेशन प्रतिनिधी छनौटको सम्पुर्ण तैयारी पुरा भएको जनाएको छ । सनिवार जिल्लाका दस वटै पालिकामा नेकपा एमालेले निर्वाचन मार्फत ११ औं महाधिवेशनका लागि प्रतिनिधी छनौट गर्दैछ । ६ जना महाधिवेशन प्रतिनिधीका लागि १८ जनाको उम्मेदवारी परेको कार्यालय सचिव झलक बुढाथोकीले बताए । १३ गते बिहान देखि दिउँसो ३ बजे सम्म मतदानको समय तोकिएको छ ।
३०८२ मध्ये २८८० संगठित सदस्यहरुले मतदान मार्फत महाधिवेशन प्रतिनिधी चयन गर्ने कार्यक्रम रहेको जिल्ला निर्वाृचन संयोजक शान्ति कुमार दाहालले जानकारी दिए ।
भोली सनिवार हुने निर्वाचनले तीन महिला प्रतिनिधी उम्मेदवार मध्ये मतदान मार्फत २ जना महिला प्रतिनिधी र खुल्ला तर्फ १२ जना उम्मेदवार मध्ये ३ जना, त्यसैगरि तीन जना युवा मध्ये एक जना महाधिवेशन प्रतिनिधिको चयन गर्ने निर्वाचन संयोजक दाहालले जानकारी दिए ।
दलित महिला प्रतिनिधीमा ईन्द्रमायाँ बराईली यस अघिनै निर्बिरोध निर्वाचित भैसकेको निर्वाचन संयोजक दाहालले जनाए ।
नेकपा एमालेले आगामी मंशिर २७ देखि २९ सम्म काठमाण्डौमा राष्ट्रिय महाधिवेशन गर्ने मिति तय गरेको छ ।