असार १८
देशका ११ जिल्लाका १३० स्थानमा बर्ड फ्लू (एच-५ एन-१) संक्रमण पुष्टि भएसँगै संघीय राजधानी काठमाडौंको प्रमुख प्रवेशद्वार धादिङमा सतर्कता उच्च पारिएको छ। पृथ्वी राजमार्ग र त्रिभुवन राजपथ हुँदै दैनिक हजारौं सवारीसाधन तथा कुखुराजन्य वस्तु ओसारपसार हुने भएकाले जिल्लाका मुख्य नाकामा विशेष निगरानी सुरु गरिएको हो।
जिल्ला स्तरीय बर्ड फ्लू प्राविधिक समितिको निर्णयअनुसार जिल्ला प्रशासन कार्यालय, जिल्ला प्रहरी कार्यालय र पशु सेवा कार्यालयको संयुक्त टोलीले कुखुरा, चल्ला, अण्डा तथा अन्य कुखुराजन्य वस्तुको नियमित अनुगमन गरिरहेको छ। विशेषगरी संक्रमण देखिएका जिल्लाबाट आउने ढुवानीमाथि कडाइ गरिएको प्रहरिले जनाएकाे छ ।
