समाचार

श्रावण १२ किर्तिपुर नगरपालिकाका प्रमुख राजकुमार नकर्मीको निधन भएको शोकमा भोलि आइतवार काठमाण्डौ उपत्यकाभित्रका सबै पालिका र पालिका मातहतका निकायहरुमा सार्वजनिक बिदाको घोषणा गरिएको छ । कीर्तिपुर नगरपालिकाका मेयर राजकुमार नकर्मीको निधनको शोकमा काठमाण्डौ उपत्यका मेयर्स फोरमले काठमाण्डौ, ललितपुर र भक्तपुरका सबै पालिका र माताहतका कार्यालयहरुमा शोक बिदाको घोष्णा गरेको हो । लामो समयदेखि मिर्गौलाको समस्याबाट पीडित कीर्तिपुरका मेयर नकर्मीको उपचारको क्रममा निधन भएको हो । फोरमका अध्यक्ष चीरबाबु महर्जनले निकाल्नुभएको विज्ञप्तिमा नकर्मीको निधनको खबरले काठमाण्डौ उपत्यका मेयर्स फोरम परिवार अत्यन्तै मर्माहत र स्तब्ध भएको उल्लेख गरिएको छ । विकास प्रेमी एवं समाजसेवीका रूपमा परिचित नकर्मी विसं २०७९ को स्थानीय निर्वाचनमा कीर्तिपुर नगरपालिकाको प्रमुख पदमा निर्वाचित भएका थिए । उनको बिहिबार निधन भएको थि...

श्रावण ११ खाँदबारी । रुद्राक्ष व्यवसायि संघ कोशी प्रदेश समिति पहिलो पटक गठन भएको छ । सङ्खुवासभाको खाँदबारी नगरपालिका–९ तुम्लिङ्टारमा राजकुमार घिमिरेको अध्यक्षतामा रुद्राक्ष व्यवसायि संघ कोशी प्रदेश समिति गठन भएको नवगठित समितिका उपाध्यक्ष सुनिल श्रेष्ठले जानकारी दिए । घिमिरेको अध्यक्षता १५ सदस्यीय समिति गठन भएको हो । कोशी प्रदेश समितिको उपाध्यक्षमा सुनिल श्रेष्ठ र रमेश बुढाथोकी, महासचिवमा सुरज गौतम, सचिवमा कमलबहादुर तिवारी, सहसचिवमा सुरेश श्रेष्ठ र कोषध्यक्षमा एकराज थापा चयन भएका छन् । समितिको सदस्यहरुमा धनबहादुर राई, राम राई, शिवकुमार श्रेष्ठ, भिम कार्की, विनय राई, नरेन्द्र तामाङ, दलेन्द्र राई र कृष्ण केसी रहेका छन् । संघका केन्द्रीय उपाध्यक्ष अगमसिं राई उपस्थितिमा समिति गठन भएको हो । नव गठित समितिले इश्वर शर्मा बजगाई र मुकेश अधिकारीलाई समिति सदस्यमा मनोनित समेत गरेको छ । समिति गठनका ल...

श्रावण ११ पूर्वसांसद मञ्चले राज्यसँग सुविधा माग गरेको छ । मञ्चका अध्यक्ष ओमकार श्रेष्ठको नेतृत्वमा शुक्रबार गृहमन्त्री रमेश लेखकलाई भेट्न सिंहदरबार पुगेको टोलीले राज्यसँग सुविधा माग गरेको हो । पूर्वसांसदहरूले निरन्तर जनताको काममा रहेको दाबी गर्दै राज्यको तर्फबाट न्यूनतम सुविधा उपलब्ध गराउनुपर्ने माग राखेका हुन् । मञ्चको माग सम्बोधनका लागि आफू सकारात्मक रहेको गृहमन्त्री लेखकले जवाफ दिएका छन् । ...

श्रावण ११ कोशी प्रदेश सरकारबाट नेकपा माओवादी केन्द्रका मन्त्रीहरुले राजिनामा दिएका छन् । शुक्रबार माओवादीबाट सरकारमा सहभागी मन्त्रीहरूले राजीनामा बुझाएसँगै माओवादी कोशी प्रदेस सरकारबाट अलग्गिएको छ । शुक्रबार राजीनामा दिए पनि तत्काल सरकारलाई दिएको समर्थन फिर्ता नलिएको पूर्व भौतिक पूर्वाधार विकासमन्त्री गणेश उप्रेतिले बताए उनले चाँडै नै माओवादी केन्द्रको संसदीय दलको बैठक डाकेर सरकारलाई दिएको समर्थन समेत फिर्ता लिईने बताए । माओवादी केन्द्रबाट कोशी प्रदेश सरकारमा ३ जना मन्त्री र एक जना राज्यमन्त्रीका रुपमा नियुक्त भएका थिए ।...

श्रावण ११ ऊर्जा, जलस्रोत तथा सिंचाईमन्त्री दीपक खड्काले नेपाल विद्युत प्राधिकरण नेतृत्वले सरकारलाई सहयोग नगरेको आरोप लगाएका छन् । सरकारी निकायले आफ्नो उत्तरदायित्व भुलेर उद्योगहरुमा विद्युत आपूर्ति बन्द गर्ने जस्तो गैरजिम्मेवार कार्य गरेकोमा उनले प्राधिकरणको नेतृत्वप्रति असन्तुष्टि जनाएका हुन् । शुक्रबार प्रतिनिधि सभा अन्तर्गतको सार्वजनिक लेखा समितिको बैठकमा डेडिकेटेड तथा ट्रंक लाईनको वक्यौता रकम असुली गर्ने क्रममा प्राधिकरणले ६ वटा उद्योगको विद्युत आपूर्ति बन्द गरिएको सन्दर्भमा छलफल डाकिएको थियो । उक्त छलफलका क्रममा मन्त्री खड्काले सरकारको निर्णय नमान्ने भन्ने पनि हुन्छ र र भनि प्रश्न राखेका थिए । उद्योगि ब्यवसायीप्रति लचक देखिएका मन्त्री खड्काले विद्युत प्राधिकरणले उद्योगीहरुसँग बसेर छलफलको निश्कर्ष निकाली सरकारलाई बुझाउन समेत निर्देशन दिए । उनले विद्युत आपूर्ति नरोक्ने तर आवश्य...

श्रावण ११ विमान दुर्घटनामा मृत्यु भएकाहरुको आफन्तले उचित क्षतिपुर्तिकाे ब्यवस्था नगरे शव नबुझ्ने अडान राखेका छन् । बीमा, क्षतिपूर्ति लगायतका विषय सरकार र विमान कम्पनीले प्रष्ट पारेपछि मात्र शव बुझ्ने उनीहरुले अडान राखेका हुन् । गत बुधबार काठमाडौंबाट पोखराका लागि उडेको सौर्य एयरलाइन्सको विमान दुर्घटना हुँदा १८ जनाले ज्यान गुमाएका थिए । ‘ बीमा रकम कति र कहिले पाउने प्रष्ट हुनुपर्ने, सौर्य एयरलाइन्सले दिने क्षतिपूर्ति, मृतकका छोराछोरीको शिक्षा, आश्रित परिवारको रोगजगारी लगायतका विषयमा प्रष्ट भएपछि मात्र शव बुझ्ने मृतकका आफन्तकाे अडान छ । बुधबार भएको विमान दुर्घटनामा मृत्यु भएका सबैको शव पहिचान भईसकेकाे छ ।...

श्रावण ११ भारतको गुजरात राज्यमा चाँदीपुरा भाइरसबाट ४४ जनाको मृत्यु भएको छ भने हालसम्म ५ दर्जन बढिको उपचार भैरहेको जनाईएको छ । गुजरातका स्वास्थ्य मन्त्रालयले त्यहाँ हालसम्म १२४ जनामा चाँदीपुरा भाइरस प्रमाणीत भएको छ ति मध्ये अधिकांश ग्रामिण भेगमाफेला परिसकेको छ। ग्रामिण भेगमा देखिएको उक्त भाइरस पछिल्लो समय गुजरातको हमदावाद, वडोदरा, राजकोट, सुरत लगायतका जनाधार रहेका ठूला सहरहरूमा पनि यो भाईरस संक्रमण फैलँदै गएको गुजरात सरकारले जनाएको छ । गुजरात बाहेक राजस्थानमा पनि चाँदीपुरा भाइरसको सङ्क्रमण देखिएको छ । राजस्थानमा हालसम्म ६ जनामा चाँदीपुरा भाइरसको सङ्क्रमण देखिएकोमा १ जनाको मृत्यु भएको छ। अन्य ५ जनाको उपचार भइरहेको छ। त्यस्तै मध्यप्रदेश र महाराष्ट्रमा पनि चान्दीपुरा भाइरस पुष्टि भएको छ। चान्दीपुरा भाइरस आरएनए भाइरस हो। यो सबैभन्दा धेरै पोथी प्लेबोटोमाइन प्रजातिको झिङ्गाबाट फैलिन्छ। ...

श्रावण ११ नेकपा माओबादी केन्द्र आज कोशी प्रदेश सरकारबाट बाहिरिने भएको छ । गएको असार १७ गते नेपाली कांग्रेस र नेकपा एमालेबीच केन्द्रीय सरकारमा गठबन्धन गर्ने सहमति भएपछि एमालेको नेतृत्वमा माओबादी सहित बनेको कोशी सरकारबाट माओबादी बाहिरिन लागेकोजनाईएको छ । केन्द्रिय तालमेल अनुशार नै प्रदेशमा पनि सरकार निर्माण हुने निश्चित भैसकेकाले माओबादी सरकारबाट बाहिरिन लागेको माओवादी केन्द्रले जनाएको छ।   कोशी प्रदेश सरकारमा माओवादीबाट स्वास्थ्य मन्त्री राजेन्द्र कार्की, भौतिक पूर्वाधार विकास मन्त्री  गणेश उप्रेती, पर्यटन, वन तथा वातावरण मन्त्री नारायणबहादुर मगर मन्त्रीमा नियुक्त भएका थिए । यस्तै माओबादीबाट पर्यटनमा बन्दना झागर राज्यमन्त्री रहेका थिए ।...

श्रावण ११ गायक लक्ष्मीप्रसाद  अर्थात एलपी जोशीको ८८ वर्षको उमेरमा निजि निवास झापामा निधन भएको छ । झापाको दमक–१ मा बसोबास गरिरहनुभएका जोशी हिजो बेलुका देखि बेहोस अवस्थामा रहनुभएको र वहाँको लाइफ लाइन अस्पतालमा उपचारकै क्रममा निधन भएको जनाईएको छ । वि.सं. १९९३ मा धनकुटामा जन्मनुभएका गायक जोशीले रिटिङ रिटिङ नबजाऊ बिनायो’, ‘वल्लो खोलो पल्लो खोलो, कमिलाको गोलो हजुर’, ‘निगालो घारीमा च्याखुरा नाच्यो’, ‘कान्छी मट्याङट्याङ’ लगायत दर्जनौँ पूर्वेली लोकभाकाका  गीत कालजयी गीतहरु गाउनुभएको थियो । वहाँ कुशल गायक मात्र नभएर सफल अभिनेता पनि हुनुहुन्थ्यो । जोशीले चलचित्र ‘हिजो आज भोलि’ लगायत बिभिन्न  नौवटा चलचित्रमा अभिनय निभाउनु भएको थियो ।...

कीर्तिपुर नगरपालिकाका मेयर राजकुमार नकर्मीको निधन भएको छ । उनको गएराति वीर अस्पतालमा उपचारको क्रममा निधन भएको नगरपालिकाका प्रमुख प्रशासकीय अधिकृत माधव प्रसाद ढकालले जानकारी दिए । ढकालका अनुसार मेयर नकर्मीको निधन भएकाले आज कीर्तिपुर नगरपालिकाभर शोक बिदा दिइएको छ । उनकाे पार्थिव शरीर बिहान ९ बजे नगरपालिकामा ल्याएर  श्रद्धाञ्जली अर्पण गरिने र आजै अन्त्येष्टि गर्ने ढकालले जानकारी दिए । नकर्मी लामाे समयदेखि मिर्गौला राेगबाट पीडित थिए । मिर्गौलामा समस्या आएपछि उनी २ साउनमा वीरमा भर्ना भएका थिए । मेयर नकर्मीले आफ्नो स्वास्थ्यमा निरन्तर समस्या आएपछि १ साउनमा नै सुनिता शाक्यलाई कार्यवाहक नगर प्रमुखको जिम्मेवारी दिएका थिए । श्राेत: अनलाईन खबर...