अपराध

असोज ११ सहकारी ठगी आरोपमा फरार रहेका बागलुङको ढोरपाटन नगरपालिकाका मेयर देवकुमार नेपालीलाई भारतको नयाँदिल्लीमा पक्राउ गरिएको छ । सुरक्षा अधिकारीहरुले उनलाई नियन्त्रणमा लिईएको जनाएका छन् । इन्टरपोलमा समेत रेड नोटिस जारी गरि खोजि शुरु गरिएको उनलाई दिल्लीमा भारतिय प्रहरीले फेला पारेर नेपाल प्रहरीलाई बुझाउने तैयारी गरेको जनाईएको छ । सहकारी ठगी प्रकरणमा जोडिएपछि मेयर नेपाली गत २०८० जेष्ठ ५ गते देखि फरार भएका थिए । इमेज सहकारीका संस्थापक अध्यक्ष नेपालीसहित नेपालीसहित कार्यवाहक अध्यक्ष डोरबहादुर परियार, सचिव सुनिल नेपाली, कोषाध्यक्ष लक्ष्मी सेन र सञ्चालक सदस्यहरू चित्रबहादुर भण्डारी, रूपा विक र झगबहादुर शाहीलाई ७ वैशाखमा गृहमन्त्रालयले यात्रा अनुमतिमा रोक लगाएको थियो । बचतकर्ताको २ अर्बभन्दा बढी रकम हिनामिना गरेको आरोप उनीमाथि छ । नेपाल प्रहरीको केन्द्रीय अनुसन्धान ब्युरो सीआईबीले जेठ १६ गते...

२०८१ असोज १० सहकारी ठगी प्रकरणमा फिल्म क्षेत्र समेत तानिएको छ । सहकारी संस्था बचत रकम दुरुपयोग सम्बन्धी विशेष छानविन प्रतिवेदन २०८१ मा सहकारी ठगीको रकम चलचित्र क्षेत्रमा समेत प्रयोग भएको भेटिएको उल्लेख छ । काठमाडौंको कीर्तिपुरमा रहेको दर्शन बचत तथा ऋण सहकारी संस्थाका संस्थापक अध्यक्ष दिनेश दर्शनधारीले ठूलो लागतमा सिनेमा र म्युजिक भिडियो बनाएको र त्यसमा सहकारीको ठूलो लगानी फसेको जनाइएको छ । कीर्तिपुरका स्थानीय दर्शनधारीले नेपाल प्रहरीका पूर्व एआईजी छविराज जोशीका छोरा रोचक जोशी, अभिनेता शिव श्रेष्ठका छोरा शक्ति श्रेष्ठ तथा करिश्मा मानन्धरकी छोरी कविता मानन्धरलाई म्युजिक भिडियो र सिनेमामा डेब्यु गराउने भनेर ठूलो लगानी गरेको प्रतिवेदनमा उल्लेख छ । दर्शनधारीका भाइ योगेन्द्र दर्शनधारीले निर्मल बुद्धभूमि बचत तथा कृषि फार्म नै चलाएको समेत प्रतिवेदनमा उल्लेख छ । सरकारले सहकारी संस्था बचत र...

असाेज ९ गण्डकी- कास्की र बागलुङको इमेज बचत तथा ऋण सहकारी संस्थाको रकम अपचलनको आरोप लागेका उक्त सहकारीका अध्यक्ष एवं बागलुङको ढोरपाटन नगरपालिकाका प्रमुख देवकुमार नेपाली १६ महिनादेखि फरार हुनुहुन्छ । सहकारीका बचतकर्ताको करिब रु दुई अर्ब बचत रकम हिनामिना गरी विसं २०८० जेठ ५ मा उहाँ सपरिवार सम्पर्कविहीन हुनुभएको थियो । प्रहरीले नगरप्रमुख नेपालीलाई खोज्न गत माघमा ‘रेड कर्नर नोटिस’ जारी गरेपनि उहाँ अझै पक्राउ पर्न सक्नुभएको छैन । सहकारी ठगीमा अध्यक्ष नेपालीसहित सञ्चालकविरुद्ध कास्कीका पाँच सय २४ र बागलुङका एक हजार पाँच सय ४३ बचतकर्ताले गत वर्ष जेठमै उजुरी दिएका थिए । जिल्ला अदालत, बागलुङमा उक्त सहकारीका १३ जना सञ्चालकविरुद्ध मुद्दा चलिरहेको जिल्ला प्रहरी कार्यालयका प्रमुख प्रहरी उपरीक्षक ऋषिराम कँडेलले जानकारी दिनुभयो ।...

भाद्र ४ पछिल्लो समय संखुवासभामा पनि सामाजिक संजालको प्रयोगबाट हुने ठगि धन्दामा पिडित हुनेहरुको संख्या बढ्दै गएको छ । सामाजिक संजाल फेसबुक, ह्वाट्स एप्स, ईस्टग्राम, लगायतका सामाजिक संजाल मार्फत ठगिनेको संख्या दर्जनमा मात्र नभएर सैयौंको संख्यामा रहेको पिडितहरुको भनाई छ । ह्याकरहरुले अरुको फेसबुक, फेसबुक पेज, जि मेल लगायत अन्य संजालहरु ह्याक गरि आफ्ना चिनजान र साथीभाईहरुलाई म्यासेज पठाई पैसा माग्ने गरेको र आफ्नै चिनजानको साथी हो भन्ने सम्झेर पैसा ट्रान्सफर गर्दा आफु ठगिएको नाम नखुलाउने शर्तमा खाँदबारी १ का एक ब्यवसायीले बताए । उनले आफुजस्तै सामाजिक संजालबाट ठगिनेको संख्या उल्लेख्य रहेको अनुमान गरेका छन् । नजिकका चिनजानको साथीको फेसबुकबाट बारम्बार केहि रकम सहयोगका लागि अनुरोध भएकाले आफुले बिश्वास गरेर रकम पठाउँदा ठगिनुपरेको उनले बताए । पछिल्लो समय अनलाईन ठगिका घटनाहरु संखुवासभामा समेत ...

भाद्र २७ हास्य कलाकार सुलेमान शंकर अर्थात ईकु भनिने सूर्यमान शंकरलाई प्रहरीले पक्राउ गरेको छ । कलाकार भिषामा युरोप पठाउने भन्दै सर्बसाधारणबाट लाखौँ रुपैयाँ असुलि गरेको आरोपमा उनलाई पक्राउ गरिएको सीआईबीले जनाएको छ। मंगलबार उनलाई प्रहरीको केन्द्रीय अनुसन्धान ब्यूरो सीआईबीले बुढानीलकण्ठबाट पक्राउ गरेको पुष्टि गरेको छ । नेपाली सांस्कृतिक कार्यक्रमहरुमा गैर कलाकारलाई कलाकार बनाई क्यानडा, अष्ट्रेलिया तथा युरोपेली देशहरुमा लैजाने भनी लाखौँ रुपैयाँ असुल गरेको सीआईबीले जनाएको छ ।...

भाद्र २३ घर निर्माण सम्पन्नताको प्रमाणपत्रका लिनका लागि घुस लिएको आरोपमा पोखरा महानगरपालिकाका इन्जिनियर शिवप्रसाद बराल, सबइन्जिनियर उषाकिरण रोकाया र विचौलिया सुरज कुँवरलाई अख्तियारले दोषी ठहर गर्दै सजाँय सुनाएका छन् । गत चैत २८ गते घर सम्पन्नताको प्रमाणपत्र उपलब्ध गराउन घुस लिँदालिँदै उनिहरुलाई आयोगबाट खटिएका कर्मचारीले रंगेहात पक्राउ गरेको थियो । यस प्रकरणमा मुख्य दोषी मानिएका इन्जिनियर शिवप्रसादलाई समेत पक्राउ गरी अख्तियारले अनुसन्धान अगाडि बढाएको थियो । पोखरा १० मा निर्माण गरिएको एक घरको निर्माण सम्पन्न प्रमाणपत्र बनाउनका लागि उनिहरुले इन्जिनियर बरालकै नेतृत्वमा रोकाया र सुरजले घुस मागेका थिए । त्यही क्रममा २ लाख रुपैयाँ बुझाइसकेर थप डेढ लाख रुपैयाँ बुझाउने क्रममा पोखरा–५ बाट उषाकिरण र सुरजलाई अख्तियार टोलिले पक्राउ गरेको थियो । अख्तियारले अनुसन्धानपछि गत वैशाख २० गते २ इन्जिनियरस...

भाद्र ८ झापाःअस्पतालको बेडबाट केहि दिन अघि हतकडी फुस्काई फरार रहेका थुनुवा चार दिन पछि पुन पक्राउ परेका छन् । लागु औषध मृद्धाका थुनुवा दमक नगरपालिका–३ भुटानी शरणार्थी सेक्टर जी थ्री हाल बिर्तामोड–१ मा डेरा गरी बस्ने २५ वर्षीय विशाल राई लाई शनिबार प्रहरीले पक्राउ गरेको हो । उनलाई अजुनधारा ११ स्थित नयाँ बसपार्कबाट पक्राउ गरिएको जिल्ला प्रहरी कार्यालय झापाका डीएसपी कृष्णकुमार चन्दले जानकारी दिए। भदौ ४ गते दिउँसो ४ बजे पेट दुख्ने बिरामी भएको बहाना बनाई बिर्तामोडस्थित बिर्तासिटी अस्पताल भर्ना भएका उनि मध्यराति हतकडी फुस्काई फरार रहेका थिए । राईको सुरक्षामा लापर्वाही गरेको भन्दै उनको निगरानिमा खटिएका प्रहरी हवल्दार बमबहादुर राईलाई निलम्बन गरिएको थियो ।...

श्रावण २१ पोखरा । साउन १६ को बिहानै पोखरा ६ लेकसाइडमा रहेको मुक्तिनाथ सपिङ सेन्टरमा आगलागी भयो । स्याङ्जाको आँधिखोला ४ का सुजन गहतराजले सञ्चालन गरेको सपिङ सेन्टरमा भएको आगोलागी बाट १ करोड ५० लाख रुपैंया बरावरको क्षति भएको प्रहरीले निष्कर्ष निकाल्यो । गहतराजले ४ वर्षदेखि मदिरा तथा किराना सामग्री पाइने सपिङ सेन्टर संचालन गर्दै आएका थिए । घटना पछि उनले इन्भटर सर्ट भएर आगो लगाएको बताएका थिए । शंका लागेपछि प्रहरीले अनुसन्धान थाल्यो । त्यसक्रममा व्यवसायमा निरन्तर घाटा भएपछि बीमाको रकम दाबी गर्ने उद्देश्यका साथ आफैंले आगो लगाएको रहस्य खुल्यो । प्रहरीका अनुसार आगलागीको घटनापछि इन्भटर बिक्री गर्ने पसलका धनीलाई भेट्यो, जसले इन्भटर सर्ट भएर आगो नलाग्ने बताए । नेपाल विद्यूत प्रधिकरणले पनि घटना बुझेपछि विद्युत सर्ट नभएको जानकारी दियो । आफैंले आगो लगाएको हुनसक्ने प्रहरीको आशंका थियो । गहतराजले...

सिन्धुलीमा जुवा खेल्ने क्रममा विवाद हुँदा एकजनाको हत्या भएको छ । सिंन्धुलीको घ्याङलेख हायुटारबाट रामपुर जाने बाटोमा पर्ने मिलनचोकमा भएको जुवाखेलमा बिवाद हुँदा घ्याङलेख गाउँपालिका २ चालिसेवगरका ३० वर्षीय टिकाबहादुर बुढाथोकीको हत्या भएको प्रहरिले जनाएको छ । जुवा खेलमा सापटी दिएको पैसा मागेको विषयलाई लिएर भएको विवादमा घ्याङलेख गाउँपालिका २ का ३० वर्षीय आशमान वाईवा र ३८ वर्षीय भुण्टे भनिने ज्ञानबहादुर वाइवालगायतले चिर्पटले हानेर बुढाथोकीको हत्या गरेको जिल्ला प्रहरी कार्यालय सिन्धुलीले जनाएको छ । काठकोचिर्पट प्रहारबाट गम्भीर घाइते बुढाथोकीलाई राति नै इलाका प्रहरी कार्यालय वस्तीपुरको टोलीले उपचारका लागि वस्तीपुर स्वास्थ्य चौकी पुर्याएकोमा उनको उपचारकै क्रममा निधन भएको थियो । मृतक बुढाथोकीको पेट,खुट्टा,दायाँ गालाको कञ्चटमा चोट लागेको र नाकबाट रगत बगेको अवस्थामा प्रहरीले उद्धार गरी अस्पताल ...

श्रावण १ सेवाग्राहिसंग ४ लाख १२ हजार घुस माग्ने दार्चुलाको शैल्यशिखर नगरपालिकाका दुई कर्मचारीलाई घुस रकम सहित अख्तियारले पक्राउ गरेको छ । पक्राउ पर्नेमा नगरपालिकाका कृषि प्राविधिक अधिकृत मोहनसिंह धामी र कृषि प्राविधिक अशोकसिंह धामीलाई अख्तियारको टोलीले आईतबार पक्राउ गरेको अख्तियार प्रवक्ता नरहरि घिमिरेले जानकारी दिए । ति दुई कर्मचारीले कृषि समूहको बुझाएको बिल पास गरि भुत्तानी गरेबापत कमिसन स्वरुप रु ४ लाख १२ हजार मागेको उजुरीका आधारमा अख्तियारको कार्यालय, कञ्चनपुरबाट खटिएको टोलीले कैलालीको धनगढीबाट पक्राउ गरेको हो । उनिहरूको साथबाट ५० लाख ६० हजार रुपैयाँको चेकसमेत बरामद गरिएको प्रबक्ता घिमिरेको भनाई छ ।...