समाचार

मंसिर १२ पाकिस्तानको राजधानी इस्लामावादमा पुर्व प्रधानमन्त्री ईमरान खानका पक्षमा आन्दोलन गरिरहेका आन्दोलनकारीहरुलाई ब्यापक धरपकड र दमन गरेको छ । मंगलबार इस्लामाबादको डी चोकमा जम्मा भएका पीटीआई समर्थकहरू विरुद्ध पुलिस र सुरक्षा बलहरूले व्यापक धरपकड र दमन गरेको अन्तराष्ट्रिय संचार माध्यमहरुले जनाएका छन् । हिजो त्यहाँको प्रशासनले इमरान खानको पार्टीसँग सम्बद्ध करिब पाँच सय बढि प्रदर्शनकारीलाई पक्राउ गरि कार्वाहि अगाडि बढाएको छ । केहि दिन अघि आन्दोलनको तैयारीमा खटिएकी इमरान खानकी श्रीमती बुशरा बीबीलाई पाकिस्तान सरकारले बेपत्ता बनाएको आन्दोलनकारिहरुको भनाई छ । तर उक्त आरोपको खण्डन गर्दै अन्तराष्ट्रिय संचारमाध्यमले ईमरानकी श्रीमति बुशरा बीबी खैबर पख्तुनख्वा प्रान्तमा शुरक्षित रहेको खुलासा गरेका छन् । बीबीसीका अनुसार पाकिस्तान तहरीक(ए(इन्साफ mपीटीआईः पेशावरका अध्यक्ष अरबाब नसीमका अनुसार श्रीमति ...

मंसिर १२ भारतको तमिलनाडुमा फेङ्गल आँधीको त्रासले आसपासका जिल्लाका विद्यालयहरु बन्द गरिएका छन् । आँधीपछि भारी वर्षाको सम्भावनाका रहेकाले तामिलनाडुमा रेड नोटिस जारि गरिएको त्यहाँको मौसम बिभागले जनाएको छ। स्थानीय प्रशासनले चेन्नई र आसपासका बिद्यालयहरु केहि दिनका लागि बन्द गर्न आदेश दिईसकेकाले बिभागले जारी गरेको संबेदनशिल क्षेत्रका बिद्यालयहरु केहि दिनका लागि बन्द गर्न भारतिय शिक्षा मन्त्रालयले समेत निर्देशन दिएको जनाईएको छ । भारतीय मौसम पूर्वानुमान महाशाखाका अनुसार बंगालको खाडीको दक्षिण–पश्चिममा रहेको चापीय प्रणाली गहिरो भएकाले फेङ्गल नामको आँधी उत्पन्न हुनसक्ने चेतावनी दिएको छ । त्यहाँको संचार माध्यमहरुले जनाए अनुशार बुधबार साँझदेखि आँधिको दबाब उत्तरपश्चिमतर्फ वहनेछ जसले चक्रवातको रूप लिन सक्छ भनिएको छ । मौसम विभागका अनुसार तमिलनाडु र आसपासका जिल्लाहरुमा बिहीबारसम्म अबेरसम्म वर्षा जारी रह...

मंसिर १२, शेयर बजारमा आज पनि उच्चको बृद्धिदर देखिएको छ । मंगलबार ३३ अङ्कले बढेको शेयर बजार परिसूचक नेप्से आज ३८ दशमलव ८१ अङ्कले बृद्धि भएर दुई हजार सात सय ५५ दशमलव ४७ विन्दुमा पुगेको छ । फाइनान्स बाहेक आज सबै समूहको शेयर बढेकोमा विकास बैंक, होटल, जलविद्युत्, बीमा, उत्पादन, माइक्रोफाइनान्स, व्यापार समूहको शेयरमा उच्च अङ्कको बृद्धि देखिएको हो । आज कर्णाली विकास बैंक, कर्पोरेट विकास बैंक, सिन्धु विकास बैंक, सर्पोट माइक्रोफाइनान्स, सप्तकोशी विकास बैंक, विशाल बजार, , मानुषी लघुवित्त, ग्रीन विकास बैंकको शेयर १० प्रतिशतले बढेको छ । समग्रमा बजार बढेको दिन मिथिला लघुवित्त कम्पनीको शेयरमा भने १० प्रतिशतको गिरावट आएको छ । आज शेयर कारोबार रकममा बृद्धि आएको छ । तीन सय १६ वटा कम्पनीका एक करोड ७१ लाख कित्ता शेयर नौ अर्ब ३२ करोड रुपैयाँमा कारोबार भै उल्लेख्य बृद्धि आएको हो ।...

मंसिर १२, नेपाल विद्युत् प्राधिकरण सञ्चालक समितिको आज बसेको बैठकले उद्योगहरुको बिजुलीको लाइन हाललाई नकाट्ने निर्णय गरेको छ । ऊर्जा, जलस्रोत तथा सिँचाइमन्त्री दीपक खड्काको अध्यक्षतामा आज बिहान बसेको सञ्चालक समितिको बैठकले तिर्न बाँकि बक्यौता असुल उपरका लागि वैकल्पिक बाटो प्रयोग सहज ढंगबाट बक्यौता उठाउने निर्णय गरेको छ । यो निर्णयसंगै आजजम्मका लागि बक्यौता बुझाउन निर्देशन सहित उद्योगिलाई दिईएको समयको बिकाद टुङ्गिएको छ । यसअघि प्राधिकरणले ट्रङ्क तथा डेडिकेटेड लाइनको बक्यौता नतिर्ने उद्योगको लाइन काटेकोमा सरकारको निर्देशनपछि बिद्युतलाई जोडिएको थियो । प्राधिकरणले तत्कालका लागि बिजुली जडान गरि १५ दिनभित्र बक्यौता नतिर्ने उद्योगमा फेरि लाइन काटिने सूचना निकालेकोमा १५ दिन पुग्नु एक दिन अघि नियमन आयोगले हिजो लाइन नकाट्न प्राधिकरणलाई निर्देशन दिएको थियो ।...

मंशिर ११ जिल्ला ब्याडमिण्टन संघ संखुवासभाले सदरमुकाम खाँदबारीमा जिल्ला स्तरिय पाँचौ नरबहादुर बिष्णुमायाँ श्रेष्ठ स्मृति कप खुल्ला ब्याडमिण्टन प्रतियोगिता आयोजन गर्नेभएको छ । आगामी मंशिर १८, १९ र २० गते सम्म खाँदबारी १ घिमिरे गाउँमा रहेको सोमनाथ घिमिरे स्मृति कवोर्ड हलमा संचालन हुने प्रतियोगितामा प्रथम हुने टिमले नगद ३० हजार ट्रफी मेडल र प्रमाणपत्र प्राप्त गर्नैछन् भने , दितिय र तृतिय हुने टिमले क्रमस १५ हजार र ५ हजार ट्रफी मेडल र प्रमाणपत्र प्राप्त गर्ने खेल संयोजक मुनुहाङ्ग गुरुङ्गले जानकारी दिनुभयो । पछिल्लो समय संखुवासभाको खाँदबारीमा जिल्ला ब्याडमिण्टन संघले नियमित रुपले ब्याडमिण्टन प्रतियोगिताको आयोजना गर्दैआएको छ ।...

मंशिर ११ मानव तस्करीको अभियोगमा पक्राउ परेका कोशी प्रदेशका पूर्वमन्त्री एवम् नेकपा एमालेका सांसद लीलावल्लभ अधिकारीविरुद्ध अन्तत मुद्दा  नचल्ने भएको छ । यसै प्रकरणमा जोडिएका अरू ११ जनालाई जिल्ला अदालत काठमाण्डौमा मुद्दा दायर भए पनि अधिकारीलाई भने जिल्ला सरकारी वकिलको कार्यालयले छुटकारा दिएको हो । अधिकारीविरुद्ध मुद्दा दर्ता गर्न कुनै प्रमाण नभेटिएको सरकारी वकिल कार्यालय काठमाण्डाैले जनाएको छ । सङ्गठित गिरोहमार्फत अवैध तरिकाले जापान गएका अधिकारीलाई त्यहाँको अध्यागमनले विमानस्थलमै राेकेर नेपाल फिर्ता पठाएकाे थियो । मन्त्रालयको नक्कली परिचयपत्रलगायतका कागजातका आधारमा अधिकारीसहित अरू तीन जना पनि दलाललाई पैसा तिरेर जापान पुगेकाेमा फिर्ता भएका थिए । यो प्रकरणमा पक्राउ परेकाहरूले लाखौं रकम बुझाएको बयान दिएका छन् । अधिकारीलाई गत कात्तिक २५ गते पक्राउ गरिएकाे थियाे । ...

मंशिर ११ सरकारले नेपाल धितोपत्र बोर्डको अध्यक्षमा सन्तोषनारायण श्रेष्ठ नियुक्त भएका छन् । हिजोकाे मन्त्रिपरिषद बैठकले बोर्डको अध्यक्षमा श्रेष्ठलाई नियुक्त गरेको हो । राष्ट्रिय योजना आयोगका उपाध्यक्ष शिवराज अधिकारीको अध्यक्षतामा रहेको सिफारिस समितिले सन्तोषनारायण श्रेष्ठ, मुक्तिनाथ श्रेष्ठ र डा.नवराज अधिकारीको नाम सिफारिश गरेकोमा श्रेष्ठ अध्यक्ष चयन भएका हुन् । यअसघि श्रेष्ठ नेपाल विद्युत् प्राधिकरणको सञ्चालक समिति सदस्यकाे जिम्मेवारिमा थिए । ...

संखुवासभा, मंसिर १० हिंसारहित समाज निर्माणको उद्देश्यसहित लैङ्गिक हिंसाविरुद्धको १६ दिने अभियान आजदेखि शुरू भएको छ । १० डिसेम्बरसम्म विश्वभर चल्ने यो अभियान नेपालमा ‘हामी सबैको प्रतिबद्धता, लैङ्गिक हिंसा अन्त्यको लागि ऐक्यबद्धता’ भन्ने नाराका साथ शुरू भएको छ । अभियानको अवसरमा आज संखुवासभाको खाँदबारीमा पनि बिबिध कार्यक्रम सहित महिला हिंसा बिरुद्धको १६ दिने अभियान प्रारम्भ गरिएको छ । खाँदबारी नगरपालिकाको संयोजनमा आज जिल्ला प्रशासन कार्यालय परिसरबाट बिभिन्न महिला हिंसा बिरुद्धको प्ले कार्ड र ब्यानर सहित र्र्याल्ली निकालिएको थियो । महिला हिंसा बिरुद्धको १६ दिने अभियान अन्तर्गत जिल्लाका बिभिन्न पालिकाहरुले जनचेतनामुलक कार्यक्रमहरुको आयोजना गरेका छन् । लैङ्गिक हिंसा बिरुद्धको १६ दिने अभियान अन्तर्गत खाँदबारी नगरपालिका र जिल्ला प्रहरी कार्यालय संखुवासभाको आयोजनामा सरोकारवाला निकायहरुको सह...

संखुवासभा जिल्लाको खाँदबारी नगरपालिका–५ माल्टामा अन्तरपालिका स्तरीय महिला भलिवल प्रतियोगिता हुने भएको छ । आइतबार खाँदबारीमा पत्रकार सम्मेलनको आयोजना गरि प्रतियोगिताको बारेमा जानकारी दिइएको हो । बाला चतुर्दशी ९अधेरी बजार०को पावन अवसरमा खाँदबारी नगरपालिका ५ नम्बर वडा खेलकुद विकास समितिले प्रतियोगिताको आयोजना गरेको हो । यहि मंसिर १२ देखि १४ गतेसम्म भलिवल प्रतियोगिता माल्टामा आयोजना हुन लागेको सम्पूर्ण तयारीमा जुटीसकेको खाँदबारी–५ का वडाध्यक्ष टंकबहादुर घिमिरेले जानकारी दिए । जिल्ला भलिवल संघको समन्वयमा आयोजना हुने प्रतियोगितामा संखुवासभा, भोजपुर र सुनसरीका ११ टिमको सहभागीता रहने जनाइएको छ । प्रतियोगितामा संखुवासभामा जन्म भई हाल काठमाडौमा भलिवल खेलमा नाम कहलिएका भलिवल प्रशिक्षक कुमार राई, राष्ट्रिय खेलाडी सुमित्रा रेग्मी र जेनिशा विश्वकर्मा लगायतका खेलाडी आउने आयोजकले जनाएको छ । प्रतियोगिता...

मंशिर १० सुनसरीमा टिपरले ठक्कर दिँदा संखुवासभाका दुई जनाको मृत्यु भएको छ । सुनसरीको इटहरी उपहानगरपालिका–१६ बालग्राम चोकमा आइतबार भएको दुर्घटनामा परि मोटरसाइकलमा सवार संखुवासभा धर्मदेवी नगरपालिका–३ का ३२ वर्षीय युवराज गुरुङ र उनकी श्रीमती ३२ वर्षीय टीका गुरुङको मृत्यु भएको सुनसरि प्रहरीले जनाएकाे छ। प्रहरीका अनुसार पूर्वपश्चिम राजमार्गमा पूर्व तर्फ जाँदै गरेको को ३६ प ५६३७ नम्बरको बुलेट मोटरसाइकललाई विपरीत दिशाबाट आउँदै गरेको को १ क ३३८८ नम्बरको टिपरले ठक्कर दिएको थियो । टिपरको ठक्करबाट अनियन्त्रित भएर सडकमा लडेको मोटरसाइकललाई प्रदेश १–०२–००१ ज ३८११ नम्बरको म्याजिक भ्यानले पनि ठक्कर दिएको थियो । दुई वटा सवारीले ठक्कर दिदा उनिहरुकाे मृत्यु भएकाे जनाईएकाे छ ।...