समाचार

श्रावण १७ मौसम पूर्वानुमान महाशाखाकाअनुसार आज दिउँसो कोशी, बाग्मती, गण्डकी, लुम्बिनी, कर्णाली र सुदूरपश्चिम प्रदेशका केही ठाउँमा तथा मधेस प्रदेशका थोरै ठाउँमा मेघगर्जन र चट्याङसहित हल्कादेखि मध्यम वर्षाको सम्भावना रहेको मौसम बिभागले जनाएको छ । कोशी, बाग्मती, गण्डकी, कर्णाली र सुदूरपश्चिम प्रदेशका एक–दुई ठाउँमा ठूलो वर्षाको सम्भावना रहेको महाशाखाले बताएको छ । महाशाखाकाअनुसार रातिमा भने देशभर आंशिकदेखि साधारणतया बदली रही कोशी, बाग्मती, गण्डकी, कर्णाली र सुदूरपश्चिम प्रदेशका थोरै ठाउँमा तथा मधेस र लुम्बिनी प्रदेशका एक–दुई ठाउँमा मेघगर्जन र चट्याङ सहित हल्कादेखि मध्यम वर्षाको सम्भावना रहेको छ । आज राति कोशी, गण्डकी र सुदूरपश्चिम प्रदेशका एक–दुई ठाउँमा ठूलो वर्षाको सम्भावना रहेको महाशाखाका मौसमविद रोजन लामिछानेले बताए ।...

श्रावण १७ धनुषामा कुटपिटबाट हत्या गरिएका धनुषाधाम नगरपालिका–२ मंगलपुरका ४५ वर्षीय भोगेन्द्र ठाकुरको शवसहित मिटरब्याज पीडितले प्रदर्शन गरेका छन् । जनकपुरधामस्थित स्मसानघाट स्वर्गद्वारीमा मंगलबारदेखि नै शव राखेर मिटरब्याज पीडितहरु धर्नामा बसेका हुन् । ठाकुरको शव मंगलबार प्रादेशिक अस्पतालले पोस्टमार्टम गरेर आफन्तलाई जिम्मा लगाएपछि जलाउन लगिएको थियो । तर मृतक ठाकुर मिटरब्याज पीडित रहेको र उनको हत्या मिटरब्याजीको योजनामा भएको दाबी गर्दै जलाउन रोकिएको हो । स्मसानघाटमै शव राखेर सयौंको संख्यामा बुधबार पनि प्रदर्शनमा उत्रिए । ठाकुरको सोमबार बिहान घरमै कुटपिट गरी हत्या भएको थियो भने उनको श्रीमती श्यामु ठाकुर गम्भीर घाइते भएकी छन् । धनुषाका प्रहरी प्रवक्ता रञ्जन अवाका अनुसार सोमबार बिहान ठाकुरको हत्या भएको थियो । हत्या आरोपमा स्थानीय ४५ वर्षीया सुरजी मुखिया र उनका छोरा २१ वर्षीया नागेश्वर मुखि...

श्रावण १६ शेयर कारोबारमा नयाँ रेकर्ड कायम भएको छ ।बुधबार आज एकैदिन २१ अर्ब ९१ करोड ११ लाख रुपैयाँको शेयर कारोबार अर्थात ६४ अङ्कको बृद्धि आउँदा हालसम्मकै ऐतिहासिक रेकर्ड कायम भएको हो । यसअघि २०७८ साल साउन ३१ गते २१ अर्ब ६४ करोड ७६ लाख रुपैयाँ बराबरको शेयर कारोबार भएको रेकर्ड रहेको छ । त्यस यता हालसम्मकै उच्च अंकको बृद्धि देखिएको हो । आज हिमालयन रिइन्सुरेन्स कम्पनीको ८४ करोड ४९ लाख रुपैयाँको शेयर कारोबार भएको छ । कारोबार रकमले रेकर्ड बनाएको दिन शेयर बजार परिसूचक नेप्से ६४ दशमलव २५ अङ्कले बढेर दुई हजार सात सय ६० दशमलव ९० विन्दुमा पुगेको छ । आज सबै समूहको शेयर बृद्धि देखिएकोमा बीमा, फाइनान्स, होटल, विकास बैंक, उत्पादन, व्यापार समूहको शेयरमा उच्च अङ्कको बृद्धि देखिएको छ । आज १० वटा कम्पनीका शेयर १० प्रतिशतले बढेको छ । यस्तै ११ वटा कम्पनीको शेयरमा नौ प्रतिशत बढिको बृद्धि आएको छ भने ...

सरकारले विश्व बैंकबाट प्रादेशिक तथा स्थानीय सडक सुधार कार्यक्रमका लागि करिब ३३ अर्ब ३३ करोड नेपाली रुपैयाँ बराबरको सहुलियतपूर्ण ऋण लिने निर्णय गरेको छ। गत श्रावण १० गतेको मन्त्रिपरिषद् बैठकको निर्णय प्रस्तुत गर्दै सञ्चार तथा सूचना प्रविधिमन्त्री पृथ्वीसुब्बा गुरुङले ऋण लिने निर्णय भएको जानकारी दिए । उनले विश्व बैंकबाट प्रादेशिक तथा स्थानीय सडक सुधार कार्यक्रम अन्तर्गत पहिलो चरणमा उपलब्ध हुने ७४.६ मिलियन एसडीआर अर्थात एक हजार मिलियन अमेरिकी डलर करिब १३ अर्ब ३३ करोड नेपाली रुपैयाँ बराबरको सहुलियत पूर्ण ऋण स्वीकार गर्ने निर्णय भएको सार्वजनिक जानकारी दिए । जानकारी दिने क्रममा मन्त्री गुरुङ्गले यसको कार्यान्वयन प्रदेश सरकारहरुले गर्ने निर्णय भएको खुलाउँदै उक्त कार्यक्रमको अनुगमन र मुल्यांङ्कन भने संघिय सरकारले नै गर्ने निर्णयमा उल्लेख गरिएको जानकारी दिए ।...

श्रावण १६ रातभर भएको वर्षाका कारण काठमाण्डौ उपत्यकाका विभिन्न ठाउँ डुबानमा परेका छन् । काठमाण्डौ, ललितपुर र भक्तपुर तीनवटै जिल्लाका नदी छेउछाउका बस्तीहरु डुबानमा परेका हुन् । बाग्मती नदी किनारका शङ्खमुल पार्क, सुकुम्बासी बस्ती, श्रमिक कान्ति कजेल, ननस्टप बसपार्कमा बाग्मतीको बाढी पसेको छ । बल्खु तरकारी बजार क्षेत्रमा पनि बाढी पसेर क्षति पुर्‍याएको छ । ललितपुरको च्यासलमा रहेको  एन्फाको फुटबल मैदानमा र नेकपा एमालेको केन्द्रीय कार्यालयमा बाढी पसेको छ । बल्खुदेखि शङ्खमुलसम्मको बाग्मती किनारको सडक क्षेत्र र सानेपाको राम मन्दिर क्षेत्रमा पनि बाढी पसेको छ । इमाडोलको किस्ट अस्पताल आसपास, पवन प्रकृति स्कुल आसपासको क्षेत्र र महालक्ष्मी नगरपालिका ७ चाँगाथलीमा गोदाबरी खोलाको बाढी बस्तीमा पसेको छ । भक्तपुरमा हनुमन्ते नदीमा बढेको पानीको बहावका कारण धेरै तटीय बस्ती डुबानमा परेका छन् । भक्तपुरको ...

श्रावण १६ भोजपुरको साल्पासिलिछो गाउँपालिकामा इर्खुवा खोलाको बाढीले २ जनालाई बगाएको छ । बाढीले इर्खुवा हाइड्रोमा कार्यरत २ जना कामदारलाई बगाएको जिल्ला प्रहरी कार्यालय भोजपुरले जनाएको छ । राती १ बजे तिर आएको बाढीले हाइड्रो निर्माणमा खटिएका २ जना कामदार हराएको इन्सेपेक्टर दिपक श्रेष्ठले बताए । बेपत्ता हुनेमा बर्दियाको बारा बर्दिया गाउँपालिका ३ का २६ वर्षीय श्याम कुमार थारु र सोही ठाउँका ३० वर्षीय रमेश थारु रहेका छन् । यस्तै २६ वर्षीय राम किसन थारुको उद्धार गरिएको छ । उनको शरीरमा चोटपटक लागेको प्रहरीले जनाएको छ । अहिले स्वास्थ्य चौकी कुलुमा उपचार भइरहेको छ । उनको अवस्था सामान्य रहेको छ । बाढी आएको क्षेत्र उत्तरी भोजपुरमा पर्दछ । श्राेत:नागरिक आवाज डट कम...

श्रावण १५ पाकिस्तानको कुर्रम जिल्लामा जनजातिहरूबीचको भूमिसम्बन्धी विवाद साम्प्रदायिक हिंसामा परिवर्तन हुँदा ४३ जनाको ज्यान गएको छ । ३० एकड अर्थात झण्डै एक सय कनाल जग्गाको स्वामित्वको विषयमा विवाद हुँदा अरु एक सय ५० भन्दा धेरै मानिस घाइते भएका छन् । यो विवाद बुसेहराका दुई गाउँमा बसोबास गर्ने आदिवासीबीचको हो । अधिकारीहरुकाअनुसार ६ दिन अघि शुरु भएको लडाई कुर्रम जिल्लाका विभिन्न क्षेत्रमा फैलिएको छ । दशकौँदेखि भइरहेको कृषि भूमि विवादमा वार्ता गरिरहेको परिषद्मा एकजनाले गोली चलाएपछि साम्प्रदायिक हिंसा शुरू भएको हो ।सुन्नी मुस्लिम मडागी र शिया माली खेल जनजातिबीच गएको बुधवारदेखि हिंसा भइरहेको बीबीसी हिन्दिले जनाएको छ । त्यहाँको सरकारी अधिकारीकाअनुसार हिंसामा  सबैभन्दा धेरै अल्पसङ्ख्यक सम्प्रदायको रहेका छन् ।  कुर्रम पूर्व सङ्घीय प्रशासित जनजातीय क्षेत्रको हिस्सा भएपनि सन् २०१८ मा खैबर पख्त...

श्रावण १४ पोखरामा आज बिहान स्कुल बस दुर्घटना भएको छ । विद्यार्थी बोकेको बस दुर्घटना हुँदा स्कुलमा काम गर्ने एक जना सहयोगीको ज्यान गएको कास्की प्रहरीले जनाएको छ । बिहान विद्यार्थी लिएर स्कुल जाँदै गरेको एलपी देवकोटा मेमेरियल स्कुलको बस पोखरा १७ फुस्रे खोलानजिकै दुर्घटना भएको हो । दुर्घटनामा विद्यार्थीसहित २४ जना घाइते भएका र उनीहरुको पोखराका विभिन्न अस्पतालमा उपचार भइरहेको प्रहरीले जनाएको छ । याे खबर उज्यालाे अनलाईनमा प्रकाशित छ ।...

श्रावण १३ संखुवासभा–काठमाडौ जर्नालिष्ट एशोसिएसन (एसकाज)ले आगामी कार्यकालका लागि शंकर खनालको अध्यक्षतामा नयाँ कार्यसमिति चयन गरेको छ । एशोसिएसनको शनिवार भएको साधारणसभाले खनालसहित सर्वसम्मत नयाँ कार्यसमिति निर्वाचित गरेको हो । अधिवेशनले उपाध्यक्षमा दिपेश श्रेष्ठ, महासचिवमा उद्धव भट्टराई, सचिवमा सुनिता पोखरेल, कोषाध्यक्षमा द्धारीका काफ्लेलाई निर्वाचित गरेको छ । त्यसैगरी सदस्यमा निमेशजंग राई, मणिराज गुरुङ, कुलचन्द्र बिष्ट, पर्वत बिश्वकर्मालाई पनि निर्वाचित गरेको छ । सल्लाहकारमा हेमन्त गौतम, दुर्गा खनाल र संस्थापक अध्यक्ष दिपेन्द्र वान्तवा रहेका छन् । नेपाल पत्रकार महासंघ संखुवासभाको पूर्व सभापतिसमेत रहेका खनाल हाल ईमेज टेलिभिजनमा कार्यरत छन् । लामो समयदेखि पत्रकारितामा आबद्ध खनालसँग बिभिन्न सञ्चारगृहमा रहेर काम गरेको अनुभव छ । त्यसैगरि रोजगार मिडियाका सम्पादक उद्वव भट्टराई एसकाजको महा...

समाजसेवी तथा सुशासनविद् हिरामणि घिमिरे र सीता घिमिरेले खाँदबारी बालबिकास समाजलाई एक करोड रुपैया प्रदान गरेका छन्। सङ्खुवासभा काठमाडौं जर्नालिष्ट एशोसिएसन र खाँदबारी बालविकास समाजले शनिबार काठमाडौं चण्डोलमा आयोजना गरेको कार्यक्रममा घिमिरे दम्पतीले प्रदान गरेको चेक ऊर्जा, जलस्रोत तथा सिँचाइमन्त्री दीपक खड्काले समाजका अध्यक्ष रामप्रसाद घिमिरेलाई हस्तान्तरण गरे। सहयोग रकम हस्तान्तरण कार्यक्रममा बोल्दै घिमिरेले पहिले समाजबाट आफूले विभिन्न प्रकारको सहयोग तथा लाभ लिएको र अहिले त्यसैको पैंचौ समाजलाई तिरेको बताए । ‘ मैले कुनै पैसा दिएको होइन, मैले समाजलाई पैचो फर्काएको मात्र हो’ घिमिरेले खाँदवारी वालबिकास समाजको उद्घाटन कार्यक्रममा भने–‘यो रकमबाट समाजमा रहेका वालवालिकाको स्वास्थ्य, शिक्षा तथा जीवनस्तर उकास्न सहयोग पुग्न सकोस् ।’ खाँदवारी बालविकास समाजले बालबालिकाको शिक्षा, स्वास्थ्य, पालनपोषण ...